नापोलीलाई हराउँदै एटलान्टाले शीर्ष ४ को होड बलियो बनायो

Avatar आदर्श समाज सम्वाददाता
असार २०, २०७७

पोखरा । इटालियन सिरी ए मा शीर्ष ४ को होडलाई बलियो बनाएको छ ।

शुक्रबार राति भएको खेलमा नापोलीलाई पराजित गर्दै एटलान्टाले शीर्ष चारको होडलाई बलियो बनाएको हो । नापोलीमाथिको जितसँगै एटलान्टाले अर्को सिजन च्याम्पियन लिग खेल्ने सम्भावना समेत बढाएको छ ।

नापोलीविरुद्ध दोस्रो हाफको सुरुवाती १० मिनेटभित्र २ गोल गर्दै चौथो स्थानको एटलान्टाले छैटौं स्थानको नापोलीलाई २–० ले पराजित गरेको हो । घरेलु मैदानमा भएको खेलको ४७ औं मिनेटमा मारियो पलासिकले गोल गर्दै एटलान्टालाई अग्रता दिलाए । त्यस्तै, ५५ औं मिनेटमा रोविन गोसेन्सले एटलान्टाका लागि निर्णायक दोस्रो गोल गरे ।

जितपछि एटलान्टाले पाँचौ स्थानको रोमासँग १२ अंकको अग्रता बढाएको छ । अर्को खेलमा रोमा उडिनेसीसँग २–० ले पराजित भएपछि एटलान्टालाई पनि फाइदा पुगेको छ ।

सिरी ए को २९ खेलबाट ६० अंकसहित एटलान्टा चौथो स्थानमा छ । समान २९ खेलबाट रोमाको ४८ अंक छ । हारपछि ४५ अंक रहेको नापोली छैटौं स्थानमै यथावत छ ।

हाम्रो सुझाव