सहारा एकेडेमीका बालकहरुलाई फुटवल बुट सहयोग

Avatar आदर्श समाज सम्वाददाता
असार १३, २०७७

पोखरा १३, असार । पोखरा १७, दोभिल्ला स्थित सहारा फुटवल एकेडेमीका बालकलाई फुटवल बुट सहयोग हस्तान्तरण गरिएको छ । पोखराको सहारा स्पोटर्स कर्नरको पहलमा गेगा फुटवल बुट कम्पनीको सहयोगमा प्राप्त २४ थान फुटवल बुट शनिबार सहयोग हस्तान्तरण गरिएको हो ।

कर्नरका संचालक कल्पना कंडेलले सहारा क्लबका उपाध्यक्ष एवं एकेडेमीका संयोजक विश्वराज बराल, एकेडेमीका कप्तान शिशिर क्षत्री, पूर्व कप्तान कमल समय मगर सहितको टोलीलाई उक्त बुट हस्तान्तरण गरेका हुन् । कर्नरका संचालक कंडेलले सहारा एकेडेमीमा उक्त फुटवल बुट उपलब्ध गराउन कम्पनीसंग सहजीकरण गरी कम्पनीले आफ्नो सामाजिक उत्तरदाहित्व अन्र्तगत करिब ३० हजार मूल्य बराबरको उक्त बुट सहयोग गरेको हो ।

पोखरामा विगत ६ वर्षदेखि स्पोटर्सका सामानहरु बिक्री वितरण गर्दै आएको कर्नरले आगामी दिनमा पनि एकेडेमीमा थप सहयोग उपलब्ध गराउन पहल गर्ने भएको कंडेलले जनाइन्। देशमा लकडाउन भएको अबस्थामा पनि कम्पनीले उक्त बुट उपलब्ध गराएकोमा धन्यवाद दिदै संयोजक बरालले विभिन्न सहयोगीको हातबाट एकेडेमी संचालन हँुदै आएको बताए । एकेडेमीमा हाल १३ जिल्लाका २४ जना बालकहरु रहेका छन्। लकडाउनको समयमा उनीहरुलाई फुटवल एकेडेमीमै राखेर दैनिक प्रशिक्षण समेत हुदै आएको संयोजक बरालले जनाए ।

हाम्रो सुझाव