सागमा पदक विजेता खेलाडी तथा प्रशिक्षकलाई पुरस्कार सहित सम्मान

Avatar आदर्श समाज सम्वाददाता
असार १०, २०७७

पोखरा । गत मंसिरमा नेपालमा भएको १३ औं दक्षिण एसियाली खेलकुद (साग) मा पदक जितेका खेलाडी र प्रशिक्षकलाई नगद पुरस्कारसहित सम्मान गरेको छ ।

ललितपुरको गोदावरी नगरपालिकाले आफ्नो नगर सभाको अवसर पारेर नगरबासी पदक विजेता खेलाडी र प्रशिक्षकहरुलाई नगद पुरस्कारसहित सम्मान गरेको हो ।

खेलाडीमा उसु तर्फ कास्य पदक विजेता निकेस श्रेष्ठलाई १ लाख र प्रशिक्षकमा कराते कुमुतेका दीपक श्रेष्ठ र कराते कातातर्फ गंगाराम महर्जनलाई जनही २ लाख पुरस्कारसहित सम्मान गरिएको हो । उनीहरुलाई मेयर गजेन्द्र महर्जन लगायतले नगद पुरस्कार र सम्मानपत्र प्रदान गरेका हुन् ।

उसुका निकेश श्रेष्ठ उक्त नगरपालिका वडा नं ५, कराते कुमुते प्रशिक्षक दीपक श्रेष्ठ वडा नं १२ र कराते काताका गंगाराम श्रेष्ठ वडा नं १२ का पशिक्षक हुन् ।