पोखरा । जारी यस सिजनको इटालियन सिरी ए फुटबलमा युभेन्टसका स्टार क्रिस्टियानो रोनाल्डोले कीर्तिमानी २२ गोल गरेका छन् ।

बोलोग्नाको घरेलु मैदानमा भएको खेलमा युभेन्टसले २–० को जित दर्ता गर्दा रोनाल्डोले नयाँ कीर्तिमान रेकर्ड रचेका हुन् । बोलोग्नासँगको उक्त खेलमा पोर्चुगिज रोनाल्डोले गोल गर्दै कीर्तिमानी नयाँ रेकर्ड बनाएका हुन् ।

उक्त खेलमा रोनाल्डोले पहिलो हाफमा पेनाल्टीमार्फत गोल गर्दै युभेन्टसलाई अग्रता दिलाएका थिए । जारी लिगमा रोनाल्डोको उक्त गोल २२ औं गोल थियो । गत सिजनमा गरेको २१ गोलको समेत रोनाल्डोले कीर्तिमान भंग गरेका छन् । इटालीको शीर्ष लिग फुटबलमा गत सिजन र यस सिजनमा गरी रोनाल्डोले सर्वाधिक ४३ गोल गर्ने सफल खेलाडी बनेका छन् ।

रोनाल्डोले म्यानचेस्टर युनाइटेडबाट १ सय ९६ खेलबाट ८४ गोल गरेका थिए । रियल मड्रिडबाट समेत खेलेका रोनाल्डोले १ सय ९२ खेलबाट ३ सय ११ गोल गरेका थिए । स्पेनिस ला लिगामा रोनाल्डोले भन्दा लिओनेल मेसीले बढि गोल गरेका छन् ।