चेल्सीले उचाल्यो इङ्ल्यान्ड सुपर लिगको उपाधि, लिभरपुल रेलिगेसनमा

Avatar आदर्श समाज सम्वाददाता
जेठ २३, २०७७

पोखरा । इङ्ल्यान्डको महिला शीर्ष फुटबल लिग (महिला सुपर)को उपाधि चेल्सीले उचालेको छ ।

चेल्सीले औषत अंंकका आधारमा अगाडि रहेर लिगको उपाधि उचालेको हो । मार्च १३ मा लिग रोकिँदा लिगको अंक तालिकाको शीर्ष स्थानमा म्यान्चेस्टर सिटी थियो । म्यान्चेस्टर सिटीले १६ खेलबाट ४० अंक जोड्दा १ खेल कम खेलेको चेल्सी ३९ अंकका साथ दोस्रो स्थानमा थियो । उसले १ खेल कम खेलेका कारण औषत अंक धेरै भएको हो ।

त्यस्तै, लिग तालिकाको पुछारमा रहेको लिभरपुल रेलिगेसनमा परेको छ । उसले १४ खेलबाट ६ अंक मात्र जम्मा गर्न सफल भएको थियो । गत मे २५ मा फुटबल एशोसिएसनले आपतकालीन नतिजाका साथ सिजन समाप्त गरिने बताउँदै आएको थियो । फुटबल एशोसिएसनको बहुमतले नै ‘प्रति खेलको औषत अंक’को आधारमा तालिका निर्धारण गर्ने निर्णय गरेको थियो । अर्को सिजनको महिला च्याम्पियन्स लिगमा इङ्ल्यान्डका तर्फबाट चेल्सी र म्यान्चेस्टर सिटी सहभागी बन्नेछन् ।