नेपालमा जारी लकडाउन यथावत राख्न कोरोना भाइरस रोकथाम तथा नियन्त्रणका गठित उच्चस्तरीय समितिले सरकारसँग सिफारिस गरेको छ । आइतबार बसेको बैठकले लकडाउन बढाउन सिफारिस गर्ने निर्णय गरेको हो ।

कोरोना रोक्न लकडाउन नै उपयुक्त माध्यम भएको समितिको ठहर छ ।

संक्रमित बढ्दै गएको भन्दै क्वारेन्टाइन र आइसोलेसन थप गर्नुपर्ने निर्णय पनि समितिले गरेको हो । यस्तै, शान्तिसुरक्षा प्रभावकारी पार्न र आपूर्ति व्यवस्था सहज गर्न पनि निर्णय गरिएको छ ।

सोमबार बस्ने मन्त्रिपरिषद् बैठकले यसबारे थप निर्णय गर्नेछ । सरकारले लागू गरेको लकडाउन जेठ ५ मंगलबारदेखि सकिँदै छ ।
नेपालमा गत चैत ११ देखि लकडाउन जारी छ ।