कोरोनाविरुद्धको ‘फण्ड कलेक्सन’का लागि ब्याट लिलाम गर्दै बंगलादेशी क्रिकेटर मुश्फिकुर रहिम

Avatar एजेन्सी
वैशाख ८, २०७७
mushfiqurrahim, Bangalian Cricketer

बंगलादेशी क्रिकेटर मुश्फिकुर रहिमले कोरोनाविरुद्धको कोषमा रकम जम्मा गर्न ‘ब्याट’ लाई लिलाममा राखेका छन् ।

कोरोना भाइरसविरुद्धको अभियानमा बंगलादेशी क्रिकेटका ब्याट्सम्यान मुश्फिकुर रहिम पनि जोडिएका हुन् । उनले कोरोना विरुद्धको ‘फण्ड कलेक्सन’का लागि आफ्नो ‘ब्याट’ लिलाम गर्न लागेका हुन् । रहिमले लिलामीबाट प्राप्त हुने रकम कोरोना भाइरसको महामारीविरुद्ध लडिरहेका बंगलादेशी जनताका लागि खर्च गर्ने बताएका छन् ।

रहिमले बंगलादेशबाट टेस्ट क्रिकेटमा दोहोरो शतक बनाएको ब्याट लिलाम गर्न लागेको समाचार छ । उक्त ब्याटमार्फत रहिमले २०१३ मा श्रीलंकाविरुद्ध दोहोरो शतक बनाएका थिए ।

रहिमले अहिलेसम्म ३ पटक दोहोरो शतक बनाएका छन् । बंगलादेशको क्रिकेट इतिहासमा अहिलेसम्म ५ वटा दोहोरो शतक बनेको छ । रहिमले ३ पटक दोहोरो शतक बनाउँदा शाकिब अल हसन र तमीम इकबालले १÷१ पटक दोहोरो शतक बनाएका छन् ।

Related News

सम्बन्धित समाचार

    hero news full width

    sanil ads

    wordlink ads

    Recent Posts

    भर्खरै