कोरोनाको महामारी फैलिएपछि भारतको आई लिग फुटबल समापन गरिने भएको छ ।

लिग कमिटीले भारतीय फुटबलल महासंघलाई पत्र लेख्दै लिग समापन गर्ने निर्णय गरेको हो । लिग कमिटीको शनिबार बसेको बैठकले शीर्षस्थानमा रहेको मोहन बगान क्लबलाई च्याम्पियन घोषणाको लागि सिफारिस समेत गरेको छ । यस निर्णयले मोहन बगान ४ खेल अगावै आई लिग फुटबलको च्याम्पियन्स बनेको छ ।

लिगमा १६ खेल सकिँदा ३९ अंक सहित मोहन बगान शीर्ष स्थानमा थियो । दोस्रो स्थानमा रहेको इस्ट बंगाल र मिनरवा पन्जावको समान २३/२३ अंक थियो । लिग कमिटीले यसपटक कुनै टिमलाई रेलिगेसनमा नझार्ने सिफारिस समेत गरेको छ ।

यसअघि, मार्च १४ तारिखसम्म लिग स्थगित गरिएको थियो । भारतमा लकडाउन मे ३ तारिखसम्म लम्ब्याइएको छ ।