पोखरा, ९ चैत्र । नेपाल मगर संघ, नमुना एकाइ समिति, पोखरा–१४, चाउथे, कास्कीको आयोजनामा सुरु भएको एक महिने मगर भाषा कक्षाको आइतबार समापन गरिएको छ । गत माघ २२ गतेदेखि सुरु भएको मगर भाषा कक्षाको आइतबार समापन गर्दै नेपाल मगर संघ, कास्कीकी अध्यक्ष संगीता पुनमगरले हरेक एकाइ र मगर बस्तीमा मगर भाषा सिकाउने अभियानको सुरुवात गर्न लागेको जानकारी दिनुभयो । मगर जातिको मातृभाषा लोप हुने क्रममा रहेको भन्दै उहाँले मगर भाषा बचाउन हरेक एकाइ र वडामा मगर भाषा कक्षा चलाउनुपर्ने आवश्यकता औंल्याउनुभयो ।
नेपाल मगर महिला संघ, कास्कीकी अध्यक्ष नुनु रानामगरले मगर भाषा प्रशिक्षण चलाएर नमुना एकाइले नमुना कार्य गरेको भन्दै प्रशंसा गर्नुभयो । मगर भाषा प्रतिष्ठान, कास्कीका अध्यक्ष रूद्रबहादुर हितानमगरले मगर भाषा सिकेर मात्रै नहुने भन्दै बोलीचालीमा प्रयोग गर्नुपर्नेमा जोड दिनुभयो । नेपाल आदिवासी जनजाति पत्रकार महासंघ (फोनिज), गण्डकी प्रदेशका अध्यक्ष एमबी आस्था मगरले निरन्तर अभ्यास र कुराकानीमार्फत् नै मगर भाषा सिकाइलाई दिगो बनाउन सकिने धारणा व्यक्त गर्नुभयो ।
मगर भाषाका प्रमुख प्रशिक्षक रूद्रबहादुर श्रीसमगरले छोटो समय भएपनि मगर भाषा सिकाइको उपलब्धी निकै राम्रो रहेको बताउँदै प्रशिक्षार्थीहरूले भाषा सिकाइप्रति दिएको चासोको प्रशंसा गर्नुभयो । अर्की प्रशिक्षक विनु थापामगरले मगर भाषा सिक्ने इच्छा र चाहना भए मात्र सिकाइ सहज हुने भन्दै सिकेका कुरालाई व्यवहारमा उतार्न आग्रह गर्नुभयो ।
कार्यक्रममा मगर भाषाका प्रशिक्षार्थीहरू टिकाकुमारी थापामगर, कृष्णबहादुर पुनमगर, दिलबहादुर गर्बुजामगर, सुमित्रा थापामगर, चमेली बुढामगर, दुर्गा श्रीसमगर र दिलु फगामीमगरले आफूहरूलाई मगर भाषा सिक्ने समय थोरै भएको महसुस भएको बताउँदै सिकेका कुरालाई आफ्ना छोराछोरीलाई सिकाउन सके मगर भाषा उत्थानमा टेवा पुग्ने बताउनुभयो ।
नेपाल मगर संघ, नमुना एकाइ समितिका अध्यक्ष ओम श्रीसमगरको अध्यक्षतामा भएको समापन कार्यक्रममा सल्लाहकार सु. बलबहादुर थापामगर र सचिव शिव थापामगरले पनि बोल्नुभएको थियो ।
Related News
सम्बन्धित समाचार
पोखरा २ मा ज्येष्ठ नागरिकहरूको स्वास्थ्य परीक्षण
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
hero news full width
मुख्य समाचार
एकातिर खोला, अर्कैतिर पुल
ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१