सुशीलबाबु थकाली-मुस्ताङ । हिमाली जिल्ला मुस्ताङ बिभिन्न धार्मिक तथा पर्यटकीय स्थलका कारण चर्चित छ । यीनै पर्यटकीय स्थलहरुको अध्ययन अवलोकनका लागि वर्षेनी हजारौं पर्यटकहरु मुस्ताङ घुम्न आउने गर्छन् ।
वर्षेनी हजारौंको संख्यामा मुस्ताङ भित्रने आन्तरिक तथा बाह्य पर्यटकहरुकालागि मुस्ताङ यात्रा आफैमा जोखिमपूर्ण रहेको छ । यद्यपी धार्मिक जनविश्वासकै कारण जस्तोसुकै कठिनाइ परेपनि मुस्ताङ घुम्न आउने पर्यटकरुको संख्यामा भने कमी आएको छैन । देश तथा बिदेशबाट मुस्ताङको बिभिन्न स्थानहरुमा आइपुग्न जति कठिनाइ छ । यात्रुहरुमा त्यति नै दृढ आत्मविश्वास पनि छ । देशका बिभिन्न भागहरु छिचोल्दै मुस्ताङसम्म आइपुग्न सुन्दा जती सहज लागेपनि म्याग्दीको बेनीदेखी जोमसोमसम्म आइपुग्न मात्रै ५ देखी ६ घण्टा लाग्ने गर्दछ । करिब ७६ किलोमिटर यात्रा पार गर्न पनि पट्यार लाग्दो रहेको यात्रुहूरुको गुनासो रहेको छ ।
बहुचर्चित बेनी कोरला सडक स्तरोन्नतिको काम शूरु भएको पनि साढेतीन वर्ष पुग्न लागिसकेको छ । तर अप्ठयारो भूगोलकै कारण भनेको समयमा काम सम्पन्न हुन सकेको छैन । बिभिन्न निर्माण कम्पनीले जिम्मा पाएको सडकहरु सोचेको जस्तो पनि हुन सकिरहेको छैन । यसैको फलस्वरुप समयसमयमा भैरहने छिटफुट घटना र बाधाहरु छिचोल्न यात्रुलाई मात्र होइन सम्बन्धित निर्माण कम्पनीलाई समेत हम्मे–हम्मे परिरहेको छ । करिब ७६ किलोमिटर बेनी जोमसोम सडकभित्र आइपर्ने साना देखी ठूला समस्याकै कारण समयसीमाभित्र काम नसकेको निर्माण कम्पनीहरुको जिकिर रहेको छ । कडा चट्टान र नरम माटो बीचको असन्तुलन नै सडक निर्माणको मुख्य बाधा रहेको उनीहरु बताउछन् । तर यति हुँदाहुँदै पनि सडक निर्माण कार्यले तीब्रता पाउनु आफैमा सकारात्मक पक्ष भने हो ।
बि.सं. २०६६ सालमा पूर्ण रुपमा बेनी जोमसोम सडक सुचारु भयो । तर दशक बितिसक्दापनि पर्यटकलाई वर्षेनी सास्ती मात्रै तपिएको छ । यही वास्तविकतालाई आत्मसात गर्दै समाजसेवाको सपना आँखाभरि सजाएर सधैं लागिपरेका व्यक्ति हुन् इन्द्रसिंह शेरचन । आधा रातमा मोबाइलको घण्टी बज्यो र यात्रु मर्कामा प¥यो भने पनि दौडिहाल्ने उनी सबैको भगवान् हुन् । शेरचन आफ्नो पेशा भन्दा पनि समाजसेवालाई माथि राखेर रात दिन खटिरहने व्यक्ति हुन। त्यसैले त उनलाई चिन्ने मान्छेहरु पनि धेरै छन् । स्थाइ घर मुस्ताङको थासाङ गाउँपालिका–२ नाउरीकोटमा भए पनि पेशाले उनी पर्यटन व्यवसायी हुन । यतिमात्र होइन उनी होटल व्यवसायमा दख्खल भएको व्यक्ति हुन । दुई दशक भन्दा लामो समय होटल व्यवसायमा व्यतित गरिसकेका शेरचन व्यवसायकै सिलसिलामा आजभन्दा १७ वर्ष अघि बेनी झरेका थिए । करिब १२ वर्ष भन्दा बढी बेनीको कालीपुलमा होटल व्यवसाय सञ्चालन गरेका शेरचन ५ वर्ष अघि मात्र पोखराको लेकसाइडमा आफ्नो जिल्लाको पहिचान रहनेगरी थकाली भान्छा घरको शुरुवात गरे । कारणबस उनलाई आफ्नै गाउँठाउँको माया र मोहले तान्यो । अनि सुरु भयो म्याग्दीको दानामा थकाली भान्छाघर ।
थकाली भान्छालाई देश तथा बिदेशमा चिनाउनुपर्छ भन्ने अभिप्रायले लागिपरेका शेरचन करिब १ वर्ष भन्दा बढी पोखराको लेकसाइडमा पनि होटल व्यवसाय गरे । आफ्नो जिल्ला र गाउँको नाम जोडेर “मुस्ताङ लेते होटल एण्ड थकाली भान्छा घर” खोलेको दुई दशक बितिसक्न लाग्दा उनले कयौं सपनाहरु त्यसै मनभित्र मारेका थिए । भेटघाटको क्रममा उनले आफ्नो दुख भन्न नचाहने तर सधैं समाजसेवा गर्नुपर्छ भन्ने सन्देश दिन्छन। अहिले पनि उही लोगो राखेर म्याग्दीको अन्नपूर्ण गाउँपालिका –३ दानामा होटल व्यवसाय गर्दै आएका छन् । छोटो अवधीमा आफूलाई स्थापित गर्न सफल शेरचन आफू रातदिन सडकको काममा दौडिरहनुपर्ने भएकोले उनलाई होटलमा भन्दा बढी बाटोमानै देख्न सकिन्छ । यतिमात्र होइन उनी बेनी–जोमसोम सडक खण्ड अन्तर्रगतको मुख्य सुपरभाइजर समेत हुन् । उनी भन्छन– मलाइ समाजसेवा गर्ने वातावरण नै यही पेशा हो । अप्ठ्यारोमा परेका यात्रुहरुलाइ उद्धार गर्न पाउँदा मनमा आनन्दको महशुस हुने उनको धारणा रहेको छ । साढेतीन वर्ष भन्दा बढी सुपरभाइजरको जिम्मा सम्हालेका शेरचन अहिले पनि सडककै काममा व्यस्त छन् । सवारी चालकहरु गाह्रो/अप्ठ्यारोमा पर्दा पहिला शेरचनलाइ नै सम्झिन्छन् । कतै सवारी जाममा परेको छ र गन्तव्यमा चाँडै पुग्नु छ भने पनि शेरचनलाइ सम्झिन्छन् ।
तीनवर्ष अघिको बेनी जोमसोम सडक खण्ड र अहिलेको सडकमा आकाश जमिनको फरक छ । तर पनि समयसमयमा हुने प्राकृतिक प्रकोपसँग जुध्नु शेरचनको लागि नौलो भने होइन । उनले आफ्नै आँखा अगाडिबाट कयौं डरलाग्दा घटनाहरुको सामना गरेका छन् । शेरचनका लागि अहिले विगत र वर्तमान् जे जस्तो भए पनि अब भने ती दिनहरु नदोहोरीउन भन्न चाहन्छन उनले भोगेका कयौं घटनाहरुसँग उनको गतिलो साइनो छ । बि.सं. २०७५ साल भदौ २८ गतेदेखी गत सोमबारसम्मको घटनाक्रमलाई हेर्ने हो भने असी प्रतिशत भन्दा बढी जीवन समाजसेवामा विताइसकेका छन् ।
गत भदौ महिनामा मात्रै उनले २ सय भन्दा बढी आन्तरिक तथा बाह्य पर्यटकलाई आफ्नै पिठ्युले बोकेर डरलाग्दा भीरबाट उद्धार गरेका छन् भने कयौं घाइतेलाई तुरुन्तै हेलिकोप्टरबाट उद्धार गर्ने मेलोमेसो मिलाएका छन् । तर जीवनका अनेकन भोगाइलाई समाजसेवासँग मात्र जोड्न नमिल्ने शेरचनको भनाइ रहेको छ, उनी भन्छन्–सबै कुरा समाजसेवा मात्र होइन, मानवतासँग पनि जोडिएको हुन्छ । मैले जीवनमा कति सम्पत्ति कमाए भन्नु ठूलो कुरा नभएको शेरचनले बताए । अझ भनौ हिमालमा हराएका पर्यटकको उद्धार गर्नु उनको लागि ठूलो उपलब्धि हो । उनी भन्छन –“ मैले उद्धार गरिएका धेरै जसो पर्यटक मलाई आशिर्वाद दिएर जान्छन् । हो, त्यहिनै मेरो लागि सबैभन्दा ठूलो सम्पत्ति । ”
गत सोमबार बेनी जोमसोम सडक अन्तरर्गत मुस्ताङको थासाङ गाउँपालिका –४ घैकु भीर काट्ने क्रममा ठूलो घटना घट्यो । करिब ४ दिनसम्मको अवरुद्ध सडक छिचोल्न पर्यटकहरुलाई हम्मे–हम्मे पर्यो । त्यतिबेला पनि शेरचन नै उद्धारको लागि मुख्य पात्र थिए । अप्ठ्यारा भीरमा पर्यटकलाई बोकेर वारपार गर्नु सजिलो काम थिएन । तर उदार हृदय भएका शेरचनले पर्यटकलाई बोकेर उद्धार गर्दा मानिसहरु शेरचनप्रति गौरवान्वित भएका थिए । हो, त्यसैले मुस्ताङको माटोमा जन्मिएका थकाली कुलका एक इमान्दार छोरा आज सबैका लागि प्रेरणाको श्रोत भनेको छ । अझ भनौं, सयौं आन्तरिक तथा बाह्य पर्यटकको लागि बैशाखी हुन् ‘इन्द्रसिंह शेरचन’ । किनकी अरुको दुखमा रमाउन सक्ने एकमात्र महान् व्यक्ति हुन् इन्द्रसिंह शेरचन ।
Related News
सम्बन्धित समाचार
पोखरा विश्वविद्यालय शिक्षण अस्पताल उद्घाटन
दमौली आगलागी अपडेट : क्षतिको विवरण संकलन गरिँदै
प्रधानमन्त्री प्रचण्डलाई चाैथोपटक विश्वासको मत
प्रधानमन्त्री दाहालले आज चाैथोपटक विश्वासको मत लिँदै
दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
hero news full width
मुख्य समाचार
एकातिर खोला, अर्कैतिर पुल
ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१