ए डिभिजन लिग सरस्वतीले खाता खोल्यो
पोखरा । सरस्वती युथ क्लबले सहिद स्मारक ‘ए’ डिभिजन लिग फुटबलको खातामा पहिलो अंक जोडेको छ ।
त्रिपुरेश्वरस्थित दशरथ रंगशालामा आइतबार भएको खेलमा ब्रिगेड ब्वाइज क्लबसँग गोलरहित बराबरी खेल्दै सरस्वतीले लिगमा पहिलो अंक जोडेको हो ।
अघिल्ला पाँच खेलमा पराजित बन्दै आएको सरस्वतीले छैटौं खेलमा आएर १ अंक जोड्न सफल रह्यो । सरस्वतीले पहिलो अंक जोडेको खेलमा ब्रिगेडले पाएको अवसर सदुपयोग गर्न सकेन । बल पोजिसनमा पकड राखेपनि ब्रिगेडका स्ट्राइकर चम्कन सकेनन् ।
खेलको ४० औं मिनेटमा शिशिर लेखीको प्रहार क्रसबारमाथिबाट बाहिरियो । यस्तै, ४९ औं मिनेटमा रोशन रानामगरको प्रहार आकासियो । खेलको ६२ औं मिनेटमा ब्रिगेडका जया गुरुङ गोल गर्न चुके । डिबक्सभित्र प्राप्त बललाई अनमार्क रहेका उनले क्रसबारमाथि प्रहार गरे ।
सरस्वतीले पनि केही गोलको अवसर खरे फाल्यो । खेलको दोस्रो मिनेटमै विदेशी खेलाडी कजिम बुसारीको ग्रासबल ब्रिगेडका गोलरक्षक विशाल सुनुवारले पञ्च गर्दै बाहिर फ्याले । खेलको ७९ औं मिनेटमा तिर्थ बस्नेतले गोलको सुन्दर मौका गुमाए । उनको प्रहारले पोस्टको सही दिशा लिन सकेन ।
खेलमा सरस्वतीका ‘मनिष थापा म्यान अफ दी म्याच’ बने । ब्रिगेडसँग बराबरी खेलेपछि सरस्वतीले ६ खेलमा १ अंक जोडेको छ । सरस्वती लिगको पुछारमा रहेको छ । ब्रिगेड ६ खेलमा ७ अंक जोडेर लिगको आठौं स्थानमा रहेको छ ।
त्यस्तै, ए डिभिजन लिग फुटबलमा आइतबार थ्री स्टार क्लब फ्रेन्ड्स क्लबसँग स्तब्ध बनेको छ । ललितपुर डर्बीमा थ्री स्टार फ्रेन्ड्स क्लबसँग १–० गोल अन्तरले पराजित बनेको हो ।
बलियो टिम थ्री स्टारविरुद्ध फ्रेन्ड्सलाई जित दिलाउन ब्राजिलियन खेलाडी वाग्नेर डी कार्मोले निर्णायक गोल गरे । कार्मोले खेलको १३ औं मिनेटमा गोल गर्दै फ्रेन्ड्सलाई जित दिलाए ।
विश्व अधिकारीको फ्री–किक बलमा उनले हेड गोल गरेका थिए । वाग्नेर नेपाली लिगमा गोल गर्ने पहिलो ब्राजिलियन खेलाडी समेत बनेका छन् । फ्रेन्ड्ससँग पराजित भएसँगै थ्री स्टारले लिगको दोस्रो स्थानमा उक्लने मौका गुमाएको छ । थ्री स्टारले ६ खेलबाट १० अंक जोडेको छ । थ्री स्टार लिगको चौंथो स्थानमा छ ।
फ्रेन्ड्सको यो पहिलो जित हो । अघिल्लो ५ खेलमा फ्रेन्ड्सले ३ बराबरी र २ खेल हारेको थियो । फ्रेन्ड्सले ६ खेलबाट ५ अंक जोडेको छ । फ्रेन्ड्स लिगको ११ औं स्थानमा उक्लिएको छ ।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१