पोखरा पल्टनले महिला च्याम्पियन्स लिगको पहिलो खेलमै हार ब्यहोरेको छ। प्रतियोगिताअन्तर्गत बिहीबार भएको आफ्नो पहिलो खेलमा पोखरा पल्टनले काठमाडौंको क्याट क्वीन्ससँग ८२ रनले स्तब्ध बनेको हो। आफ्नो पहिलो खेलमा बुधबार चितवन राइनोजसँग ५ विकेटले हारेको क्याट क्वीन्स काठमाडौंले प्रतियोगितामा पहिलो जित निकालेको हो।
टस हारेर पहिले ब्याटिङको निम्तो पाएको क्याट क्वीन्सले कप्तान रुविना क्षत्रीको अर्धशतकसहित २० ओभरमा ५ विकेट गुमाउँदै १ सय ५२ रन बनाउन सफल रह्यो। बलियो लक्ष्य दिनेक्रममा उसका लागि कप्तान रुबिनाले फ्रेन्चाइजी लिगमा पहिलो अर्धशतक बनाउन सफल भइन्। रुविनाले ६७ बलमा १४ चौका र २ छक्का मद्दतमा ८३ रन बनाइन्। यसैगरी, रोमा थापाले १९, ईश्वरी विष्टले १० र शोभा आलेले १२ रनको योगदान दिइन्।
बलिङतर्फ पोखराका लागि अनुराधा चौधरीले ४ विकेट लिइन्। जवाफमा पोखराले १६ ओभर १ बलमा मात्र ७० रनमा अलआउट भयो। ३१ रनमा पहिलो विकेट गुमाएको पोखरा पल्टनले ५६ रन बनाउँदा ८ विकेट खेर फाल्यो।
पोखरा पल्टनका लागि कप्तान सीता रानामगरले १७ रनको योगदान दिइन्। विन्दु रावलले १० रन बनाइन्। अन्य खेलाडीले दोहोरो अंक जोड्न सकेनन्।
उता, ज्योति पाण्डेको उत्कृष्ट ब्याटिङ मद्दतले विराटनगर टाइटन्सले ललितपुर फाल्कन्सलाई ६ विकेटले पराजित गरेको छ। टस हारेर ब्याटिङको निम्तो पाएको ललितपुरले २० ओभरमा ७ विकेट गुमाउँदै १ सय २२ रन बनायो। जितसँगै विराटनगरले पहिलो खेलमै महत्वपूर्ण २ अंक जोड्न सफल भएको छ। शुक्रबार २ खेल हुनेछन्।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को परीक्षा आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१