पोखरा । साफ यू–१८ च्याम्पियनसिपमा खराब नतिजापछि प्रशिक्षक चेतनारायण श्रेष्ठले राजीनामा दिएका छन् ।
नेपालमै भएको साफ यू–१८ को पहिलो चरणबाटै साविक बिजेता घरेलु नेपाली पहिलो चरणबाटै बाहिरिएपछि प्रशिक्षक श्रेष्ठले राजीनामा बुझाएका हुन् । प्रशिक्षक श्रेष्ठले हारको जिम्मेवारी लिँदै राजीनामा दिएको अखिल नेपाल फुटबल संघले जनाएको छ ।
अघिल्ला २ संस्करणको च्याम्पियन नेपाल जारी साफ यू–१८ च्याम्पियनसीपको समूह चरणबाटै बाहिरिएको थियो । श्रेष्ठ यसअघि जेठ २८ गते यू–१८ टिमको प्रशिक्षकमा नियुक्त भएका थिए । एन्फाले श्रेष्ठलाई मुख्य प्रशिक्षकको जिम्मेवारी दिँदा सहायक प्रशिक्षकमा सनोज श्रेष्ठ र गोलकीपर प्रशिक्षकमा चनुराम चौधरी नियुक्त भएका थिए ।
सोमबार हल्चोकस्थित सशस्त्र प्रहरी बलको मैदानमा भएको समूह ‘ए’ को खेलमा भुटान र माल्दिभ्सले गोलरहित बराबरी खेलेसँगै नेपाल समूह चरणबाटै बाहिरिएको थियो । नेपाल आइतबार भएको आफ्नो दोस्रो खेलमा भुटानसँग ३–० ले पराजित भएको थियो ।
त्यसअघि नेपाल र माल्दिभ्सले १–१ गोलको बराबरी खेलेका थिए । सन् २०१६ र २०१८ को विजेता नेपाल समूह चरणबाटै बाहिरिने क्रममा जितबिहीन समेत बन्यो । समूहबाट भुटान ४ अंक जोडेर समूह विजेता र माल्दिभ्स २ अंक जोडेर उपविजेताको रुपमा अन्तिम चारमा पुग्दा नेपालले १ अंक मात्र जोड्दै पहिलो चरणबाटै बाहिरियो ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१