दमौली, १४ भदौ । तनहँुको दमौलीस्थित सरकारी अस्पतालमा सुत्केरी गराएका महिला यातायात खर्च पाउनबाट वञ्चित भएका छन् । गत आर्थिक वर्ष २०७५/७६ मा अस्पतालमा सुत्केरी गराएका २३ महिला यातायात खर्चबापतको रकम पाउनबाट वञ्चित भएका हुन् ।
सरकारी स्वास्थ्य संस्थामा सुरक्षित सुत्केरी गराउने महिलालाई यातायात खर्चबापत सरकारले रु दुई हजार र नियमित चार पटक गर्भ परीक्षण गर्नेलाई थप रु आठ सय प्रदान गर्दै आइरहेको छ । तर अस्पतालको लापरवाहीले गत आर्थिक वर्षको अन्तिम साता सुत्केरी भएका महिलाले यातायात खर्चबापतको रकम पाउन सकेनन् ।
अस्पतालको सरकारी खाता गत असार २५ गते नै बन्द गरिएको र त्यसपछि कुनै पनि रकम झिक्न नपाएको कारण सो मितिभन्दा पछि सुत्केरी हुन आउनेलाई रकम दिन नसकिएको अस्पताल व्यवस्थापन समितिका अध्यक्ष प्रदीपराज अधिकारीले जानकारी दिए । सुत्केरीले रकम नपाएका बारेमा आफूले नयाँ आर्थिक वर्ष लागेपछि मात्र जानकारी पाएको हुँदा त्यसबारेमा सम्बन्धित कर्मचारीलाई स्पष्टीकरण सोधिएको उनले बताए ।
गत असार २५ गतेपछि असार ३२ गतेसम्म अस्पतालमा २३ जनाको सुत्केरी गराइएको थियो । ती सबै सुत्केरीले प्राविधिक कठिनाइको कारण अब सरकारी सुविधा नपाउने दमौली अस्पतालकी नर्सिङ अधिकृत जमुनादेवी शर्माले जानकारी दिए । अस्पतालका लेखापालको लापरवाहीका कारण सुत्केरीले आफ्नो सुविधाबाट वञ्चित हुनुपरेको गुनासो छ । अस्पताल व्यवस्थापन समितिका सदस्य नरेन्द्र ढकालले आर्थिक व्यवस्थापनको कुरा लेखापालले मिलाउनुपर्नेमा नभएकाले समस्या उत्पन्न भएको बताए ।
सो अस्पतालमा गत आवमा ६०७ को सुरक्षित सुत्केरी गराइएको थियो । चालू आवको साउन महिनामा अस्पतालमा सुत्केरी गराएका ७२ महिलाले पनि यातायात खर्चबापतको रकम प्राप्त गरेका छैनन् । चालू आवमा अहिलेसम्म खाता सञ्चालनको अख्तियारी प्राप्त नभएका कारण सुत्केरी भएकालाई रकम उपलब्ध गराउन नसकिएको अस्पताल प्रशासनले जनाएको छ । अस्पतालका तत्कालिन लेखापाल पार्वती पौडेल स्वयं सुत्केरी भई बिदामा बसेकाले नयाँ लेखापालको व्यवस्था नभएको र अहिले आर्थिक कारोवार ठप्प रहेको अस्पतालका प्रशासन अधिकृत गुरुदत्त घिमिरेले जानकारी दिए ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भूगोलविद् डा. हर्कको सालिक अनावरण
पामेका अनधिकृत संरचनामा महानगरको डोजर
गण्डकी प्रदेश सभाको बैठक ३० मिनेटका लागि स्थगित
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
hero news full width
मुख्य समाचार
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१