पोखरा, १२ पुस । प्रदेश चुनाव जितेको झण्डै १ वर्षपछि गुण्डानाइके राजीव गुरुङ उर्फ दीपक मनाङेले शपथका लागि निवेदन दिएका छन्।
अघिल्लो साता सवोर्च्च अदालतको आदेशमा थुनामुक्त भएका उनले प्रतिनिधिमार्फर्त विहीवार गण्डकी प्रदेशसभामा निवेदन बुझाएका प्रदेशसभाका सचिव शम्भुबहादुर खड्काले जानकारी दिए। ‘वहाँ आफै आउनुभएको होइन। प्रतिनिधिले निवेदन दिनुभएको छ,’ खड्काले भने, ‘प्राप्त निवेदन सचिवालयमा दर्ता गरेका छौं ।’
शपथ नलिएसम्म उनी सांसद हुन पाउँदैनन्। उनको निवेदन प्रदेशसभा सचिवालयमा दर्ता भएको छ।
यद्यपि प्रक्रिया भने कानून अनुसार नै अघि बढ्ने सभामुख नेत्रनाथ अधिकारीले बताए। ‘उनी थुनामुक्त मात्र भएका हुन्, शपथग्रहण गर्न पाउने नपाउने विषय कानूनले टुंग्याउँछ,’ उनले भने, ‘कानूनका ज्ञातासँग पनि छलफल गर्छौ।’ उनले मुख्य न्यायाधीवक्ता र अन्य कानूनी व्यक्तिसँग पनि छलफल गरिरहेका छन्। मनाङे प्रदेशसभामा पुगे नपुगेको चाहीँ कसैले पनि पुष्टि गर्न सकेन।
यसबारे प्रदेशसभाले नै निर्णय गर्ने गण्डकीका मुख्य न्यायाधीवक्ता राजेन्द्र घिमिरेले बताए । सम्बन्धित व्यक्तिले प्रदेशसभामा सम्पर्क गर्नुहुन्छ। प्राप्त निवेदनका आधारमा आवश्यक छलफल गरेर प्रदेशसभाले नै टुंग्याउने हो,’ उनले भने, ‘कानूनी व्यवस्था हेरेर नै निर्णय गर्नुहोला।’ गत वर्ष मंसिर १० गते भएको पहिलो चरणको निर्वाचनमा उनले मनाङबाट स्वतन्त्र उम्मेदवारी दिएर विजयी भएका हुन्।
निर्वाचन आयोगका प्रवक्ता शंकरप्रसाद खरेलले मुद्दा फैसला नभएसम्म शपथ लिन नमिल्ने बताएका छन्।
गण्डकी प्रदेशको प्रदेशसभा नियमावली अनुसार बिनाजानकारी लगातार १० बैठकमा उपस्थित नहुने प्रदेशसभा सदस्यको पद खारेज हुने व्यवस्था छ। तर, प्रदेशसभामा शपथ नलिएका कारण मनाङेको पद भने गएको छैन। तत्कालीन एमालेबाट चुनाव लड्न खोजे पनि उनको छविका कारण टिकट दिएन। पछि उनकै लागि ठाउँ खालि गरिदिन एमालेले आफ्नो उम्मेदवारलाई फिर्ता बोलाएको थियो।
डनको छवि बनाएका मनाङे प्रदेशसभा छिर्नुअगावै गत वैशाखमा ज्यान मार्ने उद्योगअन्तर्गत कारागार चलान भएका थिए। विहीवार मनाङे पोखरा आएर मन्त्रीहरु र विभिन्न व्यक्तिसँग भेटघाट गरेका छन्।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भूगोलविद् डा. हर्कको सालिक अनावरण
पामेका अनधिकृत संरचनामा महानगरको डोजर
गण्डकी प्रदेश सभाको बैठक ३० मिनेटका लागि स्थगित
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
hero news full width
मुख्य समाचार
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१