पोखरा, १ पुस ।पोखरामा चौथो राष्ट्रिय बाणिज्य बैंक एनभीए राष्ट्रिय पुरुष क्लबस्तरीय लिग भलिबल प्रतियोगिता शुरु भएको छ । प्रतियोगिताको उद्घाटन खेलमा सशस्त्र प्रहरीको एपीएफ क्लबले नयाँ बजार स्पोर्टस क्लब काठमाडौलार्ई २५-२२, २५-२१ र २५-१० को सोझो सेटमा पराजित गरेको छ ।
प्रतियोगिताको पहिलो खेलमा विभागीय टोली त्रिभुवन आर्मीले विजयी शुरुवात गरेको छ । डिफेन्डिङ च्याम्पियन सेनाको त्रिभुवन आर्मीले जावलाखेल भलिबल ट्रेनिङ सेन्टरलाई सोझो सेटमा पराजित गर्यो । आर्मीले जावलाखेल २५-१९, २५-१५ र २५-११ को सेटमा पराजित गर्दै तीन अंक जोड्यो ।
त्यसैगरि, हेल्प नेपाल स्पोर्टस क्लबले ढोरपाटन स्पोर्टस क्लब काठमाडौंलाई ३- १ को सेटले पराजित गर्यो । भारतीय दुर्इ जना खेलाडीलाई प्लेइङ सेटको मैदानमा उतारेपनि समन्वयको अभावले हेल्प नेपालले २५-१८, १७-२५, २७-२५ र २५-१४ ले जित निकाल्दै तीन अंक जोड्न सफल भएको छ ।
त्यस्तै अको खेलमा नेपाल पुलिस क्लबले मणिमुकुण्द सेन भलिबल क्लब रुपन्देहीलाई सोझो सेटमै पराजित गरेको छ । पुलिसले २५-२०, २५-१२ र २५-२१ ले हराउँदै तीन अंक बटुल्न सफल भएको छ।
नेपाल भलिबल संघको आयोजनामा पोखरा रंगशालास्थित भलिबल प्रशिक्षण केन्द्रको कोर्टमा संचालन भएको प्रतियोगितालाई मुख्य प्रायोजक संस्था नेपाल राष्ट्रिय वाणिज्य बैंकका अध्यक्ष महेन्द्रमान गुरुङले उदघाटन गरेका थिए ।
पुष ७ गतेसम्म संचालन हुने प्रतियोगिताको विजेता क्लबले नगद २ लाख रुपैयाँसहित शिल्ड, पदक तथा प्रमाणपत्र पाउनेछ । उपविजेता क्लबको १ लाख रुपैयाँ नगदसहित शिल्ड, पदक तथा प्रमाणपत्र पाउने छ । तेस्रो स्थानमा रहने क्लबले नगद ५० हजार रुपैयाँ पाउने छ ।
त्यस्तै, उत्कृष्ट खेलाडीले २५ हजार रुपैयाँ ट्रफी तथा प्रमाणपत्र पाउनेछ भने बेष्ट स्पाइकर, बेष्ट ब्लकर, बेष्ट सेटर, बेष्ट डिफेन्स र बेष्ट सर्भरले नगद ५ हजारसहित ट्रफी तथा प्रमाणपत्र प्राप्त गर्ने नेपाल भलिबल संघका सचिव डीबी नेपालीले जानकारी दिए ।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१