पोखरा । हेमजामा जारी १२ औं राष्ट्रिय हेमजा आलु महोत्सवमा बुधबारसम्म करिब २० हजारले महोत्सव अवलोकन गरेका छन् । ९ सय १० घरपरिवारले आलु किनी लगेको कृषि उपज व्यवस्थापन उपसमिति संयोजक जयराम तिम्सिना बताउँछन् । तीमध्ये प्रति घरपरिवारले सबैभन्दा कम १० देखि बढीमा ३ सय केजीसम्म आलु किनी लगेको तिम्सिनाको भनाइ छ । यसरी बुधबार साँझसम्म आलुको कारोबार ९ लाखभन्दा बढीको भएको छ ।
हेमजाको आलु बढी स्वास्थ्यकर मानिने, छिटो पाक्ने तथा खानमा पनि मिठो हुने भएकाले अधिकांश उपभोक्तको रोजाइमा पर्दै आएको बुधबार महोत्सवस्थलमा आलु खरिद गर्दै गरेकी पर्वत मोदी गाउँपालिकाकी इन्दिरा शर्माले बताइन् ।
आलु खरिद गर्नका लागि कास्कीका विभिन्न भागसहित छिमेकी जिल्लाबाट मानिस आएका छन् ।
महोत्सवस्थल विष्णुपादुका खेल मैदानमा आयोजकलाई आलु बिक्री गर्न भ्याइनभ्याइ छ ।
महोत्सव मध्येतिर आइरहदाँ दर्शक सहभागिता पनि बढ्दै गएको हो । महोत्सवको चौथो दिन बुधवार मात्रै ५ हजार बढी दर्शकले महोत्सव अवलोकन गरेका छन् । दर्शक सहभागिता बढ्दै जाँदा आयोजक समेत हैसिएको छ ।
महोत्सवमा विविध सांस्कृतिक कार्यक्रम समेत भएको छ । बुधबार कलाकार सम्झना लामिछाने मगर, जीवन दाहाल, पार्वती जिसी, शिवहरि ढुंगाना, रामजी पौडेल, मधु थापा मगर, यम नेपाली, यलिना रायमाझी तथा ओएआउट व्यान्डका प्रस्तुतिहरु रहे ।
बिहीवार प्रकाश दुतराज, जीवन दाहाल, तारापति सुवेदी, प्रेमराज अधिकारी, शिवहरि ढुंगाना, परशुराम अधिकारी, नेत्र खड्का, सुनिता नेपाली, नवराज अधिकारी, दुर्गा क्षत्री, राजेश बर्देवा (पप आधुनिक), हास्य कलाकारद्वय राजेन्द्र नेपाली र युवराज भण्डारी साथमा स्थानीय कलाकारको प्रस्तुति रहनेछन् ।
रत्यौली गीत प्रतियोगिता पनि जारी छ । रत्यौलीतर्फ बुधबार देवीस्थान आमा समूह र कमलजौसी आमा समूहले प्रस्तुति राखे ।
बिहीबार प्रदेशस्तरीय कृषि प्रविधि प्रदर्शनी तथा मेला अन्तर्गत माटो तथा बाली संरक्षण विषयक विज्ञसँग अन्तरक्रिया कार्यक्रम पनि हुनेछ । विष्णुपादुका क्लबको आयोजनामा भएको महोत्सव ५ वैशाखसम्म चल्नेछ ।
Related News
सम्बन्धित समाचार
पोखरा २ मा ज्येष्ठ नागरिकहरूको स्वास्थ्य परीक्षण
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
hero news full width
मुख्य समाचार
अधिकारी सरकारको वैधानिकताको टुंगो आज
पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१प्रधानमन्त्री दाहालले आज चाैथोपटक विश्वासको मत लिँदै
जेठ ७, २०८१दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
जेठ ७, २०८१