पोखरा । पोखरा आदर्श सेकेन्डरी स्कुलमा रजत जयन्ती समारोह, वार्षिकोत्सव, अभिभावक दिवस एवं पुरस्कार वितरण कार्यक्रम शनिबार सम्पन्न भएको छ । विद्यालय सञ्चालक समितिका अध्यक्ष कमलराज सापकोटाको अध्यक्षतामा भएको कार्यक्रम पोखरा विश्वविद्यालयका उपकुलपति प्राडा प्रेमनारायण अर्यालले उद्घाटन गरे । उनले मानव जीवनमा व्यावहारिक शिक्षाको महत्व दर्शाउँदै सिकेका कुराहरुलाई व्यहारमा उतार्नुपर्नेमा जोड दिए ।
शिक्षा विकास तथा समन्वय इकाइ कास्कीका इकाइ प्रमुख लोकनाथ आचार्यले आजको प्राविधिक युगमा गुणस्तरीय शिक्षाको आवश्यकता औंल्याए । पोखरा १ का वडाध्यक्ष सहारा प्रधानले पोखरा आदर्श स्कुलले बालबालिकाको अन्तरनिहित प्रतिभा प्रस्फुटन गराइरहेको र पोखरा आदर्श वाटिकामा माध्यमबाट विद्यार्थीको सिर्जनात्मक क्षमता उजागर गरेकोमा खुसी व्यक्त गरे ।
प्याब्सन कास्कीका अध्यक्ष मथुराप्रसाद पौडेलले शिक्षाको क्षेत्रमा संस्थागत विद्यालयको भूमिका महत्वपूर्ण रहेको बताउँदै पोखरा आदर्श स्कुल पनि त्यसको एक अंश रहेको बताए ।
विद्यालयका प्राचार्य फणिन्द्रप्रसाद अधिकारीले विद्यालयको वार्षिक प्रतिवेदन प्रस्तुत गर्नुका साथै भावी योजनाहरू प्रस्तुत गरेका थिए । अभिभावकहरुको तर्फबाट विष्णुप्रसाद आचार्यले विद्यालयले गरेका राम्रा कामप्रति खुसी व्यक्त गर्दै आगामी दिनमा अभिभावकको साथ र सहयोग सधैं रहने बताए ।
रजत जयन्ती समारोहमा शिक्षकहरू सहप्राचार्य ज्ञानेश्वर सुवेदी, अतिरिक्त क्रियाकलाप प्रमुख तिलक बराल, लेखा विषय शिक्षक कृष्ण आचार्यलाई दोसल्ला, सम्मानपत्र सहितसम्मान गरिएको थियो । दीर्घसेवा सम्मानबाट शैक्षिक प्रशासक सेतुप्रसाद भट्टराई र राधा कार्की, उत्कृष्ट शिक्षकका रूपमा विज्ञान शिक्षक राजेश गौतम र उत्कृष्ट कर्मचारीका रूपमा कृष्ण बास्तोलालाई दोसल्ला र सम्मानपत्रले सम्मान गरिएको थियो । प्रतिभा सम्मानबाट संस्कृति सुवेदी, अनुशासनतर्फ निश्मा पाइजा, सरसफाइतर्फ प्रनिल छेत्री, उत्कृष्ट विद्यार्थी सम्मानबाट आयुषा कार्कीलाई पुरस्कृत गरिएको थियो । कार्यक्रममा विद्यार्थीको लेखरचनाको सँगालो पोखरा आदर्श वाटिकालाई प्राडा प्रेमनारायण अर्यालले लोकार्पण गरे ।
समारोहमा उत्कृष्ट विद्यार्थीहरुलाई वार्षिक खेलकुद पुरस्कार र २०७९ सालको शैक्षिक पुरस्कार वितरण गरिएको थियो । कार्यक्रममा कक्षा नर्सरीदेखि १२ सम्मका विद्यार्थीहरूले गीत, नृत्य, नाटक प्रस्तुत गरी थप मनोरञ्जन प्रदान गरे । कार्यक्रम सञ्चालन विद्यालयका सहप्राचार्य ज्ञानेश्वर सुवेदी, शैक्षिक प्रशासक सेतुप्रसाद भट्टराई र नेपाली भाषा शिक्षक साबित्री कार्कीले गरेका थिए ।
Related News
सम्बन्धित समाचार
सिद्धार्थ क्लबद्वारा विद्यालय पोसाक तथा स्टेसनरी वितरण
प्रतिभा माविमा वक्तृत्वकला
प्रश्नपत्र निर्माण तथा उत्तरपुस्तिका परीक्षणसम्बन्धी कार्यशाला
पोखरा–१२ का सामुदायिक विद्यालयमा संस्कार शिक्षा
गैंडाकोटको अक्सफोर्ड कलेजका विद्यार्थीलाई बधाई एवं सम्मान
hero news full width
मुख्य समाचार
पोखरा विश्वविद्यालय शिक्षण अस्पताल उद्घाटन
दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१प्रधानमन्त्री दाहालले आज चाैथोपटक विश्वासको मत लिँदै
जेठ ७, २०८१दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
जेठ ७, २०८१एकातिर खोला, अर्कैतिर पुल
जेठ ६, २०८१