पोखरा । अर्थमन्त्री डा. प्रकाशशरण महतले सोमबार आगामी आर्थिक वर्ष २०८०/०८१ का लागि १७ खर्ब ५१ अर्ब ३१ करोड रुपैयाँको बजेट सार्वजनिक गरे । जसमा ४ खर्ब ८ करोड ४० लाख वित्तीय हस्तान्तरणको बजेट पनि समेटिएको छ । वित्तीय हस्तान्तरण ७ प्रदेश र ७ सय ५३ पालिकाका लागि समानीकरण अनुदान, सशर्त अनुदान, समपूरक र विशेष अनुदान शीर्षकमा उपलब्ध गराउँछ ।
जसअन्तर्गत गण्डकी प्रदेशभित्रका स्थानीय तहले पनि यो शीर्षकमा बजेट प्राप्त गरेका छन् । जसमा पोखरा महानगरपालिकाले सबैभन्दा बढी २ अर्ब ७६ करोड ३२ लाख प्राप्त गरेको छ । भने सबैभन्दा कम मनाङको नार्पाभूमि गाउँपालिकाले १३ करोड ८५ लाख पाएको छ । यहाँ जनसंख्या पनि कम भएका कारण यहाँ केन्द्रको बजेट कम परेको अनुमान गर्न सकिन्छ ।
नेपालको जनगणना २०७८ अनुसार नार्पाभूमि गाउँपालिकाको जनसंख्या ३ सय ९८ छ । यसैको आधारमा यहाँको बजेट प्रतिव्यक्ति वितरण गर्ने हो भने एउटाको भागमा ३ लाख ४७ हजार ९ सय ८९ रुपैयाँ ९८ पैसा पर्न जान्छ । संघीय सरकारले दिने बजेटको आकार प्रदेशको बजेट भाषणमा अझै बढ्न सक्छ । यहाँ यो आर्थिक वर्षमा १४ करोड २४ लाख रुपैयाँ बजेट विनियोजन भएको थियो । सोहीअनुसार पनि १ नागरिकलाई ३ लाख ५७ हजार ७ सय ८८ रुपैयाँ ९४ पैसा पर्ने देखिएको थियो ।
नार्पाभूमि गाउँपालिकाको जनसंख्या ३ सय ९८ छ
जनसंख्याका आधारमा बजेट धेरै देखिए पनि भौगोलिक विकटताका कारण नार्पाभूमिका लागि यो बजेट कम रहेको नार्पाभूमि गाउँपालिका निमित्त प्रमुख प्रशासकीय अधिकृत महेश पाख्रिनले बताए । नार्पाभूमि सडक सञ्जाल, विद्युत, सञ्चार र इन्टरनेटको पहुँचबाट धेरै टाढा छ । भौतिक पूर्वाधारमा पनि यो पालिका निकै पछि परेको छ । यहाँ पूर्वाधारका काम हुँदै छन् । सोही कारण पनि पालिकाका लागि संघीय सरकारबाट छुट्टिएको बजेट कम भएको उनी सुनाउँछन् ।
निमित्त प्रमुख प्रशासकीय अधिकृत पाख्रिनका अनुसार नार्पाभूमिमा मतदाता संख्या नार्पाभूमिमा ४ सय ४७ छन् । सोही गाउँपालिकाको जनसंख्या राष्ट्रिय तथ्यांकभन्दा बढी भएको उनको दाबी छ । ‘जाडो छल्न नागरिकहरू बजारमा झरिसकेपछि जनगणनाको तथ्यांक लिइएकाले जनसंख्या कम देखिएको हो,’ उनले भने ।
चिसो र हिउँका कारण विकास निर्माणका काम गर्न समस्या हुने उनको भनाइ थियो । भौगोलिक विकटताका कारण ढुवानी खर्चिलो भएको उनले बताए । ‘हाम्रोमा आएको बजेट यहाँको विकास निर्माणमा काम गर्नका लागि पर्याप्त छैन,’ उनले भने, ‘ढुवानी गर्न र कामदारलाई ज्याला दिनै समस्या छ । त्यसै माथि ५ महिना त चिसोले गर्दा काम गर्न सकिँदैन ।’
अरु पालिकाको जस्तै विकास गर्नका लागि संघ र प्रदेशले छुट्याउने बजेटले नपुग्ने उनले बताए । ‘यहाँ सडक सञ्जाल नै पुगेको छैन । साह्रै भयो भनेर सुरुआत गरेका छौं । बिजुलीको राम्रो प्रबन्ध छैन । गाउँपालिका कार्यालयमा फोन नै लाग्दैन,’ उनले भने, ‘यस्तो विकट ठाउँमा विकासका काम सुरु हँुदै छन् । बजेट त धेरै नै आवश्यक पर्छ । भने जस्तो बजेट भयो भने गाउँपालिका भवनको स्तरोन्नति र वडा कार्यालय भवन सहजै बनाउन सकिन्थ्यो ।’
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
पौडी खेल्दा डुबेर पोखरामा २ बालकको मृत्यु
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१