पोखरा । सिर्जनशील लोकतान्त्रिक प्रतिष्ठान पोखराको नियमित मासिक कार्यक्रमअन्तर्गत शनिबार डरको राजनीति विषयक अन्तक्र्रिया कार्यक्रम सम्पन्न भयो । कार्यक्रममा संस्थाका सहसचिव मदनप्रसाद बरालले राजनीतिक प्रचारका रुपमा डर : अलगोरको डरको राजनीतिमा एक अध्ययन शीर्षकको अनुसन्धान पत्रमार्फत् राजनीतिज्ञले कसरी आफ्नो वा आफ्नो पार्टीको पक्षमा जनमत सिर्जना गर्न डरको भ्रम फैलाउँछन् भन्ने तथ्यलाई अमेरिका र नेपालका सन्दर्भमा रहेर प्रष्ट पारे ।
अनुसन्धानमा बरालले अमेरिकी संस्थापन पक्ष र तत्कालीन राष्ट्रपति जर्जडब्लुबुसले स्लाम समुदाय र उनीहरुका क्रियाकलापप्रति घृणा व्यक्त गर्दै उनीहरुबाट अमेरिकामा त्रास बढेको भन्दै यो कथनलाई चुनाव जित्ने अवसरका रुपमा उपयोग गरेकोमा अलगोरले यो आरोप झुटो हो भनी खण्डन गरेको र जनतालाई सुसूचित बनाउन अलगोरको अभियान केही हदसम्म सफल भएको दाबी गरे । नेपालमा पनि केही राजनीतिक पार्र्टीरुले यस्ता लोभ, डर र त्रासजन्य संकथनका आधारमा शक्ति र सत्तामा पुगेका भए पनि यस्ता कार्य साँचो र दिगो नहुने तथ्य अघि सारे ।
अनुसन्धान पत्रमाथि टिप्पणी गर्दै डा. नवराज न्यौपानेले अनुसन्धान पत्रलाई अझ वस्तुपरक, परिष्कृत र अनुसन्धानमुखी बनाउनुपर्नेमा जोड दिए । उनले संकथन विश्लेषणको ऐतिहासिक पृष्ठभूमि, संकथनका प्रकार, संकथन विश्लेषणका आधार दिँदै अनुसन्धानमूलक लेखमा लेखकीय दृष्टिकोण र तथ्यांकको विश्लेषण सबल रहनुपर्ने सन्दर्भमा जोड दिए ।
कार्यक्रममा डा.यामनाथ तिमल्सेना, डा.लक्ष्मीशरण अधिकारी, डा.भूमिराज बस्ताकोटी, पूर्व अध्यक्ष दीपेन्द्र पराजुली, डा. पितृराज बास्तोला, साहित्यकार वसन्त पराजुली, सुरज पौडेललगायतले संकथन, डरको राजनीति, नेपाल र विश्वको सन्दर्भ, हाम्रो सामाजिक र सांस्कृतिक सन्दर्भ तथा अनुसन्धान पत्रका बाह्य र आन्तरिक पक्षका विषयमा तर्कपूर्ण अभिमत राखेका थिए ।
संस्थाका अध्यक्ष विष्णुप्रसाद शर्माको अध्यक्षतामा भएको कार्यक्रमको सञ्चालन सचिव भानुभक्त आचार्यले गरेका थिए । संस्थाले हरेक महिनाको दोस्रो शनिबार साहित्यिक, समालोचनात्मक र अनुसन्धानमूलक कार्यक्रम गर्दै आएको संस्थाका उपाध्यक्ष हिमामाया पौडेलले जानकारी दिइन् ।
Related News
सम्बन्धित समाचार
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१