लेखनाथ । लेखनाथ खानेपानी उपभोक्ता संस्थाले मंगलबारबाट एएमएस प्रणाली लागु गरेको छ । संस्थाले मंगलबार एक कार्यक्रमको आयोजना गरी खानेपानी वितरण प्रणालीलाई थप व्यवस्थित बनाउन सम्पत्ति सुव्यवस्थित प्रणाली (एएमएस) लन्च गरेको हो ।
खानेपानी तथा ढल व्यवस्थापन विभागको पहलमा एसियाली विकास बैंकको २ लाख डलरको आर्थिक सहयोगमा संस्थाले सिस्टम प्रयोगमा ल्याएको हो । उक्त सिस्टम अन्तर्गत संस्थाले नोबेल सिस्टमले विकास गरेको जियोभ्युअर मोबाइल एप्लिकेसन प्रयोगमा ल्याउने छ भने उपभोक्ताहरुले खानेपानी संस्थाकै मोबाइल एप्लिकेसन प्रयोगमा ल्याउन सक्ने संस्थाका अध्यक्ष मुरारी शर्माले बताए ।
उक्त प्रणाली लागु भएपछि खानेपानी संस्थाका सम्पूर्ण सम्पत्तिहरु (पाइप, विभिन्न टंकीहरु, च्याम्बर, भल्ब आदि) को अवस्थाहरुको विषयमा रियल टाइम जानकारी प्राप्त हुनुका साथै पाइपमा पानीको बहाव के कति छ, चुहावट छ छैन लगायत विषयमा पनि जानकारी प्राप्त हुने कार्यालय प्रमुख इ.शिवप्रसाद अमात्यले जानकारी दिए ।
उपभोक्ताहरुले पनि अनलाइनमार्फत् विभिन्न गुनासोहरु राख्न सक्ने र गुनासोको सम्बोधन भयो भएन, कति समयमा हुन्छ भन्ने कुरा समेत घरमै बसेर थाहा पाउन सक्ने छन् । यसले उपभोक्ताहरुको समय र पैसाको बचत हुनुका साथै संस्थाप्रतिको विश्वसनीयता समेत बढेर जाने एडिबी नेपालका नगर विकास विज्ञ शिवप्रसाद पौडेलले बताए ।
शुभारम्भ कार्यक्रममा खानेपानी तथा ढल निकास विभागका निर्देशक रमाकान्त दवाडीले संस्थाले प्रशंसनीय र उदाहरणीय काम गरेकोमा बधाई र शुभकामना व्यक्त गर्दै कार्यान्वयनको पक्ष चुनौतीपूर्ण रहेको र यसलाई कार्यालय र उपभोक्तामाझ अभियानको रुपमा लैजानुपर्ने बताए ।
कार्यक्रममा सफ्टवेयरको विषयमा नोबेल सिस्टमका अध्यक्ष माइकल सामुयलले प्रकाश पारेका थिए भने एसियाली विकास बैंकका वरिष्ठ जलस्रोत विज्ञ जियोफ्रे विल्सन सिस्टमका विभिन्न पक्षहरुको विषयमा जानकारी गराए ।
संस्थाका अध्यक्ष मुरारी शर्माको अध्यक्षतामा भएको कार्यक्रमको सञ्चालन सचिव नारायणी भटृराई (रक्षा) ले गरेकी थिइन् भने उपाध्यक्ष पुष्पकमल ढुंगानाले धन्यवाद ज्ञापन गरेका थिए ।
Related News
सम्बन्धित समाचार
विद्युतीय सवारीसाधनमा आकर्षण
पोखरामा ‘विज्ञान, प्रविधि र नवप्रवर्तनका क्षेत्रमा देखापरेका प्रवृत्तिहरू’ सम्मेलन
साइबर अपराधविरुद्ध सचेतना
टिकटक बन्द गरे/नगरेकाबारे जवाफ दिन निर्देशन
साइबर सुरक्षासम्बन्धी कार्यशाला
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१