पोखरा । नेपाल मजदुर किसान पार्टीका अध्यक्ष नारायणमान बिजुक्छेले सत्ता गठबन्धनका नेताहरु दिल्ली पुगेर वार्ता गरेको विषयमा कटाक्ष गरेका छन् । जनताले सरकार बनाउने भन्दै उनले दिल्ली पुगेर सरकारका विषयमा छलफल हुनु दुखद भएको बताए । ‘दिल्लीमा गएर सरकारमा जान पाइएन भन्ने हो ? जनताको सामुन्ने पो भन्नुपर्छ,’ पोखरामा शुक्रबार पत्रकार सम्मेलनमा उनले भने, ‘अहिले सम्झौता गर्ने पार्टीहरु र हिजो पनि दिल्लीमा पुगे । दिल्लीले प्रधानमन्त्री र सरकार बनाइदिने हो र ? जनताले हो नि सरकार बनाउने ।’ नेता बिजुक्छेले एमसिसीको विषयमा पनि विरोध गरे ।
उनले चुनावमा फरक घोषणापत्रबाट चुनाव लड्ने पार्टीहरु एउटै सरकारमा रहन नसक्ने बताए । ‘चुनावमा गठबन्धन गर्नुभन्दा पहिले चुनावी घोषणापत्र सार्वजनिक गर्नु आवश्यक छ । चुनावलाई कसरी लैजाने, निर्वाचित भएपछि के काम गर्ने भन्ने पहिले नै थाहा पाउनुपर्छ,’ अघि भन्छन्, ‘घोषणापत्रअनुसार नमिल्ने बामपन्थी र उत्तरपन्थी मिलेर सरकार बनाउन मिल्दैन । जनताले घोषणापत्र हेरेर मत दिन्छन् । जनताको त्यो आदेशलाई उल्लंघन गरेर कम्युनिष्टहरुले कांग्रेससँग पनि मिल्ने र राप्रपासँग पनि मिल्ने भन्नु गलत हो ।’
ओलीले संसद विघटन गर्नेबित्तिकै चुनाव हुनुपर्नेमा अहिलो ढिलो भइसकेको उनको तर्क छ
घोषणापत्रमा भ्रष्टाचारको विषय नलेख्ने तर नेताले बढी भ्रष्टाचार गर्ने भन्दै उनले सुशासनका नारा झुटा हुन थालेको बताए । ‘घोषणपत्रमा के छ जनता स्वयं पढ्छन्,’ उनले भने, ‘जनतालाई लक्षित कार्यक्रम ल्याइएको रहेछ भने सोहीअनुसार मतदान गर्छन् । उनीहरूको मत नेताको लागि निर्देशन हो ।’
उनले राजनीतिक पार्टीहरु अनुशासित नभएको आरोपसमेत लगाए । ‘अर्थशास्त्रको विषयमा केही पनि थाहा नभएको व्यक्तिलाई अर्थमन्त्री बनाउन हुन्छ ? अलिकति तलमाथि हुने बित्तिकै १ पैसामात्रै बिग्रिने बित्तिकै अर्बौं रुपैयाँ नोक्सान हुने भयो,’ बिजुक्छेले भने, ‘यो त गुप्त रहनुपर्ने कुरा हो । हाम्रो मन्त्रीले त्यो बुझ्नुभएन ।’
निर्वाचन तत्कालीन प्रधानमन्त्री केपी शर्मा ओलीले संसद विघटन गर्नेबित्तिकै हुनुपर्ने भन्दै उनले अहिले ढिलो भइसकेको टिप्पणी गरे । ‘चुनाव अस्ति नै हुनुपर्ने । संसद बिघटन भएपछि चुनावको घोषणा गर्नुपर्ने हो । दिल्ली गएर मिलाए ।
न्यायालयलाई प्रभाव पारेर खत्तम बनाए । जबर्जस्ती गर्ने काम भयो,’ उनले भने । बिजुक्छेले निर्वाचन आयोगले विरोधमा उजुरी परेका मुद्दाहरु फैसला गर्न नसकेको गुनासो गरेका छन् । आयोगले सरकारको अंगका रुपमा काम गरेको आरोप उनको छ ।
Related News
सम्बन्धित समाचार
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
बझाङ प्रदेशसभा–१ मा एमालेका भण्डारी विजयी
वनमा आगो नलगाउन एमाले वडा कमिटी २१ को आग्रह
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१