पोखरा । नेपाल खेलकुद पत्रकार मञ्च, गण्डकीले अग्रज खेलाडी गणेशबहादुर भट्टराईलाई लाइफ टाइम अचिभमेन्ट अवार्डबाट सम्मान गर्ने भएको छ । प्रतिभा छनोटका लागि पत्रकार विनोद लामिछानेको संयोजकत्वमा गठित छनोट समितिले उनको नाम सिफारिस गरेकोमा मञ्चको बैठकले अनुमोदन गरेको हो । छनोट समिति सहसंयोजकमा सन्देश श्रेष्ठ र सदस्य विजय नेपाल एवं पदेन सदस्यमा मञ्च अध्यक्ष दीननाथ बराल र महासचिव राजाराम पौडेल थिए ।
छैटौं पोखरा स्पोर्टस् अवार्ड–२०७८ अवसरमा असार १८ गते पोखरा सभागृहमा उनलाई चाँदीको करुवा, ट्रफी, ताम्रपत्रसहित अवार्ड प्रदान गरिने मञ्च अध्यक्ष दीननाथ बरालले बताए । पोखराका अग्रज पर्यटन व्यवसायीसमेत रहेका उनी एन्फाका पूर्व उपमहासचिव समेत हुन् ।
बक्सिङ खेलाडी भट्टराई सन् १९९० मा पाकिस्तानमा भएको चौथो दक्षिण एशियाली खेलकुदमा सिल्भर मेडलिस्ट हुन् । सन् १९८७ मा पहिलो पटक जुनियर राष्ट्रिय प्रतियोगितामा सहभागी भएका भट्टराईले पहिलो सहभागितामै जुनियर च्याम्पियन बने । सन् १९८८ मा जुनियर राष्ट्रिय च्याम्पियनसीपमा गोल्ड मेडल जिते । सोही वर्ष सिनियरतर्फ चांैथो भए । त्यसको १ वर्षपछि राष्ट्रिय च्याम्पियन बने ।
राष्ट्रिय अन्तर्राष्ट्रिय खेलमा सहभागिता जनाउँदै गर्दा उनको दाहिने हात भाँचिएपछि उनको खेल क्षेत्रमा पूर्ण बिराम नै लागेजस्तो भयो । उनले खेल छाडेर व्यवस्थापन सम्हाल्न थाले । टिम म्यानेजर भएर उनले १९९८ मा नेपालमै भएको सागमा देशलाई २ स्वर्ण, ५ रजत र २ कास्य पदक दिलाए ।
भट्टराई भूतपूर्व खेलाडी मञ्चमा उपाध्यक्ष, नेपाल बक्सिङ संघका उपाध्यक्ष, रेवान पोखरामा अध्यक्ष जोय फाउडेसनमा संस्थापक सदस्य, तत्कालीन पोखरा उपमहानगरपालिकामा उपमेयरको अनुभव सम्हालिसकेका उनी पोखरा म्याराथनका परिकल्पनाकार समेत हुन् ।
मञ्चले यसअघि प्राडा वीरेन्द्रसिंह गुरुङ, कृष्णबहादुर थापा, खड्गबहादुर रानाभाट, चित्रबहादुर गुरुङ र आनन्द रञ्जितलाई लाइफ टाइम अचिभमेन्ट अवार्डबाट सम्मान गरिसकेको छ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१