पोखरा । कोभिड–१९ रोकथाम नियन्त्रण तथा उपचारका लागि गण्डकी प्रदेश सरकारले नियुक्त गरेका करारका कर्मचारी कटौती गरेको छ । कोरोनाकै लागि भनेर यस अघि ४ सय ४४ कर्मचारी थिए । तर कोरोनाको प्रभाव कम हुँदै गएपछि आवश्यकता हेरेर स्वास्थ्य तथा जनसंख्या मन्त्रालयलले संगठन तथा व्यवस्थापन सर्भे गरेको थियो । त्यही सर्भेका आधारमा ९४ कर्मचारीको संख्या घटाइएको हो ।
४ सय ४४ जनाको करार अवधि कात्तिक मसान्तमा सकिएको छ । तर कोरोनाको त्रास कायमै भएका कारण ३ सय ५० कर्मचारी नियुक्त गरिने र उनीहरुबाटै सेवा प्रवाह गरिने सरकारका प्रवक्ता एवं मन्त्री कुमार खड्काले बताए । कोभिड १९ रोकथाम नियन्त्रण तथा उपचारका लागि स्वीकृत अस्थायी दरबन्दीको म्याद सकिएकाले नयाँ दरबन्दी खुलाउन लागेको स्वास्थ्य तथा जनसंख्या मन्त्रालय गण्डकीका सचिव डा. विनोदबिन्दु शर्माले जानकारी दिए ।
अस्थायी ४ सय ४४ जनाको म्याद दोस्रोपटक कात्तिक १ देखि ३० सम्म थप गरिएको थियो । उनीहरुलाई कोभिड कोषबाट रकम भुक्तानी दिइने सचिव शर्माले बताए । पुरानालाई बिदा गर्दै कोभिड कोषबाट तलबभत्ता भुक्तानी हुने गरी संगठन तथा व्यवस्थापन (ओएनएम) गरेर ३ सय ५० जना दरबन्दी स्वीकृत भएको सचिव डा. शर्माले बताए । ‘कोरोना घटेको छैन । संक्रमणको जति छ, त्यही अनुसार जनशक्ति ३ सय ५० जना गर्ने छौं । सबैलाई हटाएर पनि भएन,’ उनले भने, ‘पुरानाको म्याद कात्तिक ३० गते सकियो । नयाँ थप्ने भनेको हो, यसमा पुरानै पनि आउन सक्छन् ।’ पछिल्लो समय कोरोनाको तेस्रो भेरियन्ट ओमिक्रोन आएको भन्दै सतर्कता रहन स्वास्थ्यकर्मीले सचेत गराएका छन् ।
यसैबीच, सरकारका प्रवक्ता एवं भौतिक पूर्वाधार, सहरी विकास तथा यातायात व्यवस्था मन्त्री कुमार खड्काले मंसिर ८ को मन्त्रिपरिषद् बैठकले गण्डकी प्रदेश स्वास्थ्य नीति, २०७८ स्वीकृत गरेको जानकारी दिए । सरकारको नीति तथा कार्यक्रम र बजेटअनुसार स्वास्थ्य नीति निर्माण गरिएको प्रवक्ता खड्काको भनाइ थियो ।
पहिला नियुक्त भएका ४ सय ४४ जनाको अवधि सकिएपछि अब नयाँ प्रक्रियाबाट ३ सय ५० जना नियुक्त गरिने
गण्डकी प्रदेशमा हरेक स्वास्थ्य संस्थामा स्वास्थ्यकर्मी पुर्याउने उद्देश्य साथ नयाँ स्वास्थ्य नीति जारी गरिएको स्वास्थ्य तथा जनसंख्या मन्त्री मधुमाया अधिकारी गुरुङले बताइन् । उक्त स्वास्थ्य नीतिमा एक चिकित्सक, स्वास्थ्यकर्मी एक संस्था नीति अवलम्बन गरिएको उनले बताइन् ।
गण्डकी प्रदेश सरकारले पहिलो पटक स्वास्थ्य नीति जारी गरेको मन्त्री गुरुङले दाबी गरिन् । गण्डकी प्रदेश स्वास्थ्य नीति, २०७८ मा जनताको स्वास्थ्यसम्बन्धी मौलिक हकलाई सुनिश्चित गर्दै कार्यान्वयन गर्ने दायित्व प्रदेश सरकारको हुने व्यवस्था गरेको छ । प्रदेशभित्र पाइने विभिन्न जडिबुटीलाई उत्पादन गर्न प्रोत्साहनकोे नीति लिइएको छ । व्यक्तिको आयआर्जनका लागि पनि जडिबुटी उत्पादन तथा प्रसारणलाई जोडेर लैजाने महत्वपूर्ण विषय नीतिमा राखिएको छ । प्रदेशलाई चाहिने स्वास्थ्यकर्मी तथा विशिष्ट दक्ष जनशक्तिका लागि छात्रवृत्तिको व्यवस्था मिलाइने नीतिमा उल्लेख छ । त्यसैगरी सरकारद्वारा ‘एक पालिका, एक ग्रामीण अल्ट्रासाउन्ड’ कार्यक्रम लागु गरिने भएको छ ।
मन्त्रिपरिषद् बैठकले शिक्षा तालिम केन्द्र, तनहुँबाट सञ्चालन हुने तालिम कार्यक्रमको खर्चको कार्यविधि, २०७८ स्वीकृत गर्ने निर्णय गरेको छ । यसमा अनलाइन ट्रेनिङ पेमेन्ट, संघीय कार्यविधि पालना, अध्ययन अनुसन्धानका लागि रकम वृद्धि गर्ने भएको हो । बैठकले प्रदेश खेलकुद परिषद्, गण्डकीको संगठन तथा व्यवस्थापन सर्वेक्षण प्रतिवेदन (अस्थायी ओएनम) स्वीकृत गरी १६ जना कर्मचारी राख्ने निर्णय गरेको हो ।
कास्कीमा २ सय बढी संक्रमित
नेपालमा गएको २४ घन्टामा थप ३ सय १६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. कृष्णप्रसाद पौडेलले बुधबार १२ हजार ७ सय २७ मा कोरोना परीक्षण गर्दा ३ सय १६ जनामा संक्रमण पुष्टि भएको बताएका हुन् । उनका अनुसार सक्रिय संक्रमित ६ हजार ९ सय ५४ पुगेको छ । पछिल्लो समय थप २ सय ५९ संक्रमणमुक्त भएका छन् । योसँगै ८ लाख ३ हजार १ सय ६८ जना संक्रमणमुक्त भए ।
५ सयभन्दा बढी संक्रमण भएका जिल्ला काठमाडौं र ललितपुर छन् । २ सयभन्दा बढी संक्रमित भएका जिल्लामा कास्कीसहित सुनसरी, धनुषा, भक्तपुर, नवलपुर, बाँके र कैलाली छन् । मनाङ, हुम्ला, सल्यान, जाजरकोट र मुगुमा संक्रमण शुन्य छ । नेपालमा संक्रमण दर हाल १७.७ प्रतिशत छ । हाल होमआइसोलेसनमा ६ हजार ६ सय १०, संस्थागत आइसोलेसनमा ३ सय ४४, आइसियुमा १ सय २० र भेन्टिलेटरमा ३७ जनाको उपचार हुँदैछ । यसैबीच, गएको २४ घन्टामा कोरोनाबाट ३ जनाको मृत्यु भएको छ । हालसम्म कोरोनाबाट ११ हजार ५ सय २९ को मृत्यु भएको छ ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
पौडी खेल्दा डुबेर पोखरामा २ बालकको मृत्यु
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१