नवलपुर । पूर्वी नवलपरासीमा निषेधाज्ञा उल्लंघन गरी साधारण सभा गर्ने २ जनालाई प्रहरीले नियन्त्रणमा लिएको छ । हुप्सेकोट गाउँपालिकामा रहेको देउराली हुप्सेकोट सहरी खानेपानी तथा सरसफाइ उपभोक्ता संस्थाका अध्यक्ष मेकबहादुर पुलामी र सचिव भीमनारायण रेग्मीलाई प्रहरीले नियन्त्रणमा लिएको हो ।
बिहीबारलाई तोकिएको संस्थाको साधारण सभा तथा अधिवेशन स्थगित गर्न जिल्ला प्रशासनले गरेको पत्राचारको अवज्ञा गरेको भन्दै संस्थाका अध्यक्ष पुलामी र सचिव रेग्मीलाई प्रहरीले नियन्त्रणमा लिएको हो । ३ हजारभन्दा बढी उपभोक्ता रहेको खानेपानी संस्थाको साधारण सभामा हुने भीडको कारण कोरोना संक्रमण जोखिम बढ्न सक्ने भन्दै प्रशासन कार्यालयले सभा स्थगित गर्न पत्राचार गरेको थियो ।
तर प्रशासनको पत्रको अवज्ञा गर्दै भेला आयोजना हुन लागेको जानकारी प्राप्त भएपछि संस्थाका अध्यक्ष र सचिवलाई नियन्त्रणमा लिएको नवलपरासी (बर्दघाट सुस्ता पूर्व) का प्रमुख जिल्ला अधिकारी मनमाया पंगेनीले बताइन् ।
साधारणसभासम्बन्धी जानकारी कार्यालयमा प्राप्त भएपश्चात् भेला आयोजना नगर्न अनुरोध र पुनः पत्राचारसमेत गर्दा अवज्ञा गरेपछि बिहीबारको भेला स्थगित गराउनको लागि अध्यक्ष र सचिवलाई नियन्त्रणमा लिएको प्रजिअ पंगेनीले जानकारी दिइन् ।
भेला आयोजना गर्नु पूर्व नै अध्यक्ष र सचिवलाई नियन्त्रणमा लिएकाले उनीहरुविरुद्ध मुद्दा नै भने दायरा नगरिने पंगेनीले बताइन् । अप्रत्यासितरुपमा हुने भेला तथा कार्यक्रममा सम्भावित भीड नियन्त्रण गर्न गाह्रो भए पनि पूर्व निर्धारित कार्यक्रम अनुसार भेला तथा सभा आयोजना गर्नु निषेधाज्ञाको अवज्ञा हुने प्रशासनको ठहर छ ।
Related News
सम्बन्धित समाचार
मुख्यमन्त्री अधिकारीविरुद्धको रिट खारेज
गण्डकी प्रदेश प्रहरी दुर्गा सिंहले सम्हालिन जिम्मेवारी
अधिकारी सरकारको वैधताको टुंगो आज !
डढेलो लगाउनेलाई जन्मकैद हुनुपर्छः मुख्यमन्त्री
नवलपुरमा २५ सय हेक्टर वन सखाप
hero news full width
मुख्य समाचार
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१