स्याङ्जा । हरिनास गाउँपालिकाले बाख्रापालनलाई जोड दिँदै २ वटा वडालाई बाख्रापालन पकेट क्षेत्र घोषणा गरेकोे छ । बाख्राका लागि उपयुक्त भोैगोलिक अवस्था भएकाले बाख्रापालन कार्यक्रम लागु गरिएको पालिकाका अध्यक्ष खिमनारायण मानन्धरले बताए । कार्यक्रम संचालनपछि पालिकाको वडा नं. २ र ४ मा झण्डै ३ हजार बाख्रा पालिएका छन् । उन्नत जातका (ब्रोयर) बोका र स्थानीय जातका बाख्रा पालिएका छन् ।
बाख्रा पालनका लागि सशर्त अनुदानतर्फ १५ लाख र लागत साझेदारी सशर्त अनुदानतर्फको बजेट ९ लाख ९० हजारको बजेट हो । लागत साझेदारी अन्तर्गत संघ र पालिकाले ९ लाख ९० हजार दुवैतर्फबाट विनियोजन भएको हो । बाख्रा खरिदका लागि किसानले १० प्रतिशत रकम व्यहोरेको पशुशाखा प्रमुख सविन देवकोटाले जानकारी दिए ।
बाख्रा पकेट क्षेत्र र लागत साझेदारी बाख्रा प्रवद्र्धन कार्यक्रम सञ्चालन गरिएको हो । कार्यक्रम अन्तर्गत बाख्रासँगै खोर, उन्नत जातका घाँस र बाख्रा पालनसम्बन्धी तालिम समेत उपलब्ध गराउने भएको छ ।
पालिकाको वडा नंं ४ अन्तर्गत राधव पशुपंक्षी एकीकृत कृषि समूह र सूर्यमुखी बाख्रा पालन समूह छन् । यसैगरी वडा नं. २ अन्तर्गत गैरीस्वाँरा कृषक समूह हुन् । यी ३ वटै समूहमा गरी झण्डै ३ सय जना कृषकहरु लाभान्वित भएका छन् ।
पालिकाले समूहका खातामा रकम उपलब्ध गराएपछि समूहले नै बाख्रा खरिद गरी र आआफ्ना समूहमा आबद्ध किसानलाई उपलब्ध गराउँछन् । उनीहरुले तनहुँ, चितवन लगायतका स्थानबाट बाख्रा खरिद गरी ल्याएका हुन् ।
बाख्रासँगै घाँस र भौतिक पूर्वाधार निर्माणमा समेत सहयोग पाएपछि बाख्रापालक किसानहरु खुसी भएको किसान लक्ष्मी मस्र्यांङ्गी बताउँछिन् ।
पालिकाले यस वर्ष ती वडालाई बाख्रा पकेट क्षेत्र घोषणा गरी कार्यक्रम सञ्चालन गरेको हो । बाख्रपालनका लागि उपयुक्त वातावरण भएसँगै पालिकाले बाख्रापालनमा व्यावसायिक बनाउने उद्देश्यले किसानलाई थप सहयोग एवं प्रोत्साहन गर्दे आएको पालिकाले जनाएको छ ।
Related News
सम्बन्धित समाचार
‘कुखुरा कल्याणमा केज प्रणाली अनुपयुक्त’
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१