कोरोना महामारीकै बीच पोखरामा पर्यटन क्षेत्रको नयाँ प्रोजेक्ट निर्माणको आखिरीमा छ । पोखरामा गण्डकी प्रदेशकै दोस्रो केबलकारको संज्ञा पाएको अन्नपूर्ण केबलकार निर्माणको ९७ प्रतिशत पूरा भएको हो । फेवातालदेखि सरर्र सराङकोट पुग्ने गरी निर्मित केबलकार पोखराको अर्को पर्यटकीय गन्तव्य हो । नेपालमै सबैभन्दा केबलकार सञ्चालन मनकामना केबलकारबाट सुरु भएको हो । आजभन्दा २३ वर्षअघि सन् १९९८ देखि मनकामना केबलकार सञ्चालनमा आएको हो । कुरिनटार–मनकामना जोड्ने केबलकारको लम्बाइ २ दशमलव ७ किमी छ । यस्तै, २०१६ देखि सञ्चालित चन्द्रागिरि केबलकारको लम्बाइ २ दशमलव ४ किमी छ । यसले थानकोट–चन्द्रागिरि जोड्छ । गण्डकीकै तनहुँको पर्यटकीय एवं ऐतिहासिक क्षेत्र बन्दीपुर पुग्न पनि केबलकार निर्माण धमाधम भइरहेको छ । यसरी विकासको सिलसिलामा पोखरामा पहिलोपटक अन्नपूर्ण केबलकार प्रालिद्वारा निर्मित केबलकारको विशेषता अन्यभन्दा फरक रहेको कम्पनीको दाबी छ । यहाँको केबलकारमा नयाँ प्रविधि प्रयोग गरिएको कम्पनीले जनाएको छ । अन्नपूर्ण केबलकारका सबै सामान जापानको निप्पोन केबलबाट ल्याइएको हो । केबलकारका लागि हाल १८ गोन्डोला (डिब्बा) सहित लठ्ठासमेत टाँगेर तयारी अवस्थामा राखिएको छ । कोरोना संक्रमण सामान्य भएसँगै परीक्षण गरी व्यावसायिक रुपमा सञ्चालनमा गर्ने कम्पनीले जनाएको छ ।
केबलकार सञ्चालनमा आएपछि सेदी बगरदेखि सराङकोट करिब ९ मिनेटमै पुग्न सकिनेछ । २ दशमलव ४ किमी लम्बाइको केबलकारमा एउटा गोन्डोलाबाट ८ जना आउजाउ गर्न सक्नेछन् । १८ वटा गोन्डोलामध्ये एउटाबाट सामानमात्र ओसारपसार हुनेछ । कम्पनीले बनाएको केबलकारको लठ्ठाले ३४ गोन्डोला धान्ने भए पनि परीक्षणका लागि हाल १८ वटामात्र राखिएको बताइएको छ । केबलकार सञ्चालनमा आएपछि प्रतिव्यक्ति ६ सय रुपैयाँमा ओहोरदोहोर गर्न सक्नेछन् । कोरोना महामारीले निर्माण समयसीमा बढेको छ । ९० करोड लगानीमा डेढ वर्षमा सक्ने गरी काम थालनी गरिए पनि कोरोनासहित विविध कारण ४ वर्षभन्दा बढी लागेको हो । निर्माण लागत २ अर्ब पुगेको बताइन्छ । केबलकारको स्टेसन भवनको संरचना बनावटमा परिवर्तन हुनु, जग्गा विवाद र दक्ष प्राविधिक कर्मचारीको अभावलगायत समस्याले लगानी बढेको बताइएको छ । केबलकारले सराङकोटको माथिल्लो स्टेसन र सेदीको तल्लो स्टेसन, टावरसहित ७५ रोपनी क्षेत्रफल ओगटेको छ ।
केबलकार निर्माणपछि पोखराका पर्यटन व्यवसायी उत्साहित छन् । कोरोना भाइरस प्रभावले डेढ वर्षदेखि सुस्ताएको पर्यटन बिस्तारै जुर्मुराउनेमा उनीहरु आशावादी छन् । परियोजना सञ्चालन आएपछि पोखरामा पर्यटनमा नयाँ आयाम थपिनुका साथै स्थानीय कृषि प्रवद्र्धनमा पनि टेवा पुग्ने विश्वास गरिएको छ । पोखराका डाँडाकाँडाहरु पछिल्लो समय पर्यटकीय गन्तव्यको रुपमा विकास भइरहेका छन् । सूर्योदयसहित उत्तरमा हिमशृंखला एवं पोखराको मनोरम दृश्य अवलोकनका लागि विगतदेखि नै चर्चित सराङकोटको अझ पर्यटन प्रवद्र्धन हुनेमा विश्वास गर्न सकिन्छ । पछिल्लो समय काहुँडाँडा, पुम्दीकोट, साल्मेडाँडा, नौडाँडा पर्यटकीय क्षेत्रको रुपमा विकास हुँदै जानु पनि यसकै द्योतक हो ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१