पोखरा । तमु धिं नेपालले कारोना महामारीको समयमा धर्म संस्कृतिको कार्य नगर्न तमु धिंको आग्रह गरेको छ ।

तमु धिं नेपालका अध्यक्ष हुमबहादुर तमुले शुक्रबार एक विज्ञप्ति जारि गर्दै महामारीको अवस्थामा भेला हुने, भोज, पूजा लगायतका कार्य रोक्न आग्रह गरेका छन् । मृत्यु संस्कारगत कर्ममा अनिवार्य उपस्थित रहनुपर्ने बाहेक सहभागी नहुन भनेको छ । साथै तमु समुदायको पितृकार्य पय(अर्घौं) कर्मका लागि लामा, पच्यु, क्हेप्री गुरुहरुसँग सल्लाह गरी केही समय पश्चात गर्न (जस्तै ४९ दिनमा) हार्दिक आग्रह पनि गरेको छ ।

तमु धिंको विज्ञप्तीमा आम नागरिकलाई सचेत र सजग रहन साथै सावधानी अपनाउन अपिल गरिएको छ । कोरोना महामारी नियन्त्रण गर्न, कोरोना पोजिटिभ देखिएका नेपालीको निशुल्क उपचार गर्न सरकारसँग अनुरोध गरेको छ । यसैगरि निषेधाज्ञाको बेला समस्यामा रहेका नागरिकका लागि राहत उपलब्ध गराउन पनि ३ तहको सरकारसँग अनुरोध समेत अनुरोध गरेको छ ।