पोखरा । नेपाल पत्रकार महासंघ, गण्डकी प्रदेशको अध्यक्षमा ४ जनाको उम्मेदवारी परेको छ । पत्रकार महासंघ गण्डकी प्रदेश निर्वाचन समिति अनुसार अध्यक्षमा दीपेन्द्र श्रेष्ठ, नारायणप्रसाद शर्मा, मोहनकुमार विष्ट (आरजु) र एलपि बञ्जरा (लोकनाथ) को उम्मेदवारी परेको छ ।
नेपाल प्रेस युनियन, प्रेस सेन्टर, प्रेस चौतारी नेपाल लगायत संगठनले संयुक्त रुपमा उम्मेदवारी दर्ता गराएका छन् । संयुक्त गठबन्धनतर्फबाट अध्यक्षमा नारायणप्रसाद शर्माले उम्मेदवारी दिएका हुन् । हाल प्रदेश उपाध्यक्ष शर्मा समूहबाट उपाध्यक्ष (खुला) मा दीपक भट्टराई, उपाध्यक्ष (महिला) सोनी शर्मा, महासचिव गोविन्दप्रसाद सुवेदी, सचिव यदुनाथ बञ्जरा, सचिव (समावेशी) सुशीलबाबु श्रेष्ठ र कोषाध्यक्षमा राजेन्द्र न्यौपानेले उम्मेदवारी दर्ता गरेका छन् ।
उम्मेदवारको अन्तिम नामावली शुक्रबार साँझ ६ बजे प्रकाशित हुनेछ
प्रगतिशील–व्यावसायिक–समावेशी–राष्ट्रवादी समूहतर्फबाट दीपेन्द्र श्रेष्ठले अध्यक्षमा उम्मेदवारी दिएका छन् । प्रेस चौतारी नेपाल, प्रेस मञ्च नेपाल, जनपत्रकार संगठन नेपाल र मिडिया नेपालको समर्थनमा श्रेष्ठले मनोनयन दर्ता गराएका हुन् उनी हाल पत्रकार महासंघ कास्की अध्यक्ष छन् । सो समूहबाट खुला उपाध्यक्षमा इन्द्रप्रसाद पौडेल, उपाध्यक्ष (महिला) मा शान्ति गुरुङ, महासचिव दिल शिरीष, सचिव प्रकाशचन्द्र भट्टराई, सचिव (समावेशी) रुद्र शिरीष मगर र कोषाध्यक्षमा शालिकराम कोइरालाले उम्मेदवारी दर्ता गरेका छन् ।
अध्यक्ष पदमै मोहनकुमार विष्ट (आरजु) र प्रेस सेन्टरका एलपि बञ्जाराले उम्मेदवारी दर्ता गराएका छन् । प्रेस सेन्टरकै माधवप्रसाद पनेरुले उपाध्यक्ष र प्रेस युनियनका ऋषिकान्त पौडेलले सचिवमा उम्मेदवारी दर्ता गराएका छन् । कोषाध्यक्षमा सागरराज तिमिल्सिनाको स्वतन्त्र उम्मेदवारी परेको छ ।
५ खुला सदस्यका लागि १३ जनाको उम्मेदवारी परेको छ । संयुक्त गठबन्धनबाट सुनिल पाण्डे, थमन थापा, प्रकाश डोटेल, प्रदीप पौडेल र परशुराम शर्मा आचार्यले उम्मेदवारी दिएका हुन् ।
यस्तै, प्रगतिशील गठबन्धनबाट कृष्ण कँडेल, भीमपाणि बराल, माधवप्रसाद अधिकारी, माधव पराजुली र सूर्यप्रसाद बास्तोलाले उम्मेदवारी दिएका छन् भने रमेश बस्ताकोटी, लोकेन्द्रबहादुर सुनार र ताराप्रसाद शर्माको स्वतन्त्र उम्मेवारी हो ।
३ महिला सदस्यमा प्रगतिशील गठबन्धनबाट स्मीता अधिकारी र कविता श्रेष्ठ तथा संयुक्त गठबन्धनबाट रञ्जिता शर्मा, राधिका शर्मा कँडेल र रोशनी गुरुङले उम्मेदवारी दिए । दलित सदस्यमा रविना बोहराको प्रगतिशीलबाट र सानेबहादुर नेपाली (कोइराला) को संयुक्त गठबन्धन उम्मेदवारी परेको छ ।
सदस्य (आदिवासी जनजाति) तर्फ जनक श्रेष्ठ र बिनाकुमारी थापा (बिनु) ले प्रगतिशील समूहबाट ताथ रामजी राना र रुद्रबहादुर थापाले संयुक्त गठबन्धनबाट उम्मेदवारी दिएका छन् ।
यस्तै, सदस्य (अल्पसंख्यक) मा १ जनाको लागि पदम छन्त्यालले संयुक्त गठबन्धनबाट र श्रीकान्त सापकोटाले प्रगतिशील समूहबाट उम्मेदवारी दर्ता गराएका छन् । गण्डकी प्रदेशबाट मधेशी २ सदस्यमा भने कसैको उम्मेदवारी परेन ।
उम्मेदवारको प्रकाशित नामावली उपर दावी विरोध चैत २० गते बिहान साढे १२ बजेसम्म तोकिएको निर्वाचन समिति संयोजक कोमलनाथ बरालले बताए । उम्मेदवारी फिर्ता शुक्रबार ४ बजेसम्म र अन्तिम नामावली साँझ ६ बजे प्रकाशन गरिने छ ।
संघ, प्रदेश र जिल्लाको मतदान चैत २५ गते एकै दिन हुनेछ । जिल्लाको चुनावका लागि भने २२ गते मनोनय दर्ता हुने छ ।
गण्डकी प्रदेशको चुनावका लागि पत्रकार कोमलनाथ बरालको संयोजकत्वमा निर्वाचन समिति बनाएको छ । समितिमा अधिवक्ताद्वय नारायणप्रसाद पौडेल र जुनाकुमारी गुरुङ, रवीन्द्र बास्तोला, पुण्य पौडेल छन् । जिल्लाका निर्वाचनाका लागि अलग्गै समिति गठन भएको छ ।
Related News
सम्बन्धित समाचार
बुढ्यौलीमा भेडीगोठ मोह
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
जलवायु परिवर्तन असर : मुस्ताङको स्याउ उकालो चढ्दै
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
hero news full width
मुख्य समाचार
मनिपालमा अत्याधुनिक एमआरआई मेसिन
कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१