भक्तपुर । पोखरामा क्रियाशील सामाजिक अभियानहरूको टोली शनिबार भक्तपुर आइपुग्यो । नागरिक समाज कास्की र वातावरण संरक्षणका लागि महाअभियान कास्कीको नेतृत्वमा १५ सदस्यीय सम्पदा अवलोकन भ्रमण टोलीले भक्तपुर दरबार स्क्वायर अवलोकन गरेको थियो । त्यसअघि स्वतन्त्र पत्रकार संघ भक्तपुर शाखाले टोलीलाई दरबार परिसरमा स्वागत गर्दै दरबारको ऐतिहासिक अवस्थाबारे जानकारी गराएको थियो ।

त्यस अवसरमा स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोला, केन्द्रीय सल्लाहकार इन्दुल केसी, राष्ट्रिय पार्षद् कृष्ण किसीले अवलोकनकर्ताहरूको जिज्ञासा मेटाएका थिए ।

वैशाख १४ देखि १६ गतेसम्म ३ दिवसीय भ्रमणमा आएको सामाजिक अभियन्ताहरूको टोलीले उपत्यकाका भक्तपुर, ललितपुर र कान्तिपुरका राष्ट्रिय सम्पदाको अवलोकन गर्ने कार्यक्रम छ ।