पोखरा । शिक्षासेवी तथा साहित्यकार नरहरि भट्टराईको शान्ति नायक उपन्यास शनिबार लोकार्पण गरिएको छ । शुक्ला साहित्य प्रतिष्ठानले आयोजना गरेको कार्यक्रममा कृतिको लोकार्पण गर्दै प्राडा कुसुमाकर न्यौपानेले आदर्श व्यक्तिका बोली र व्यवहारबाटै समाज लाभान्वित हुँदै आएको बताए ।

मानव जीवनलाई कसरी खुसी र सुखी राख्न सकिन्छ भनेर सदा चिन्तनमा लागिरहने शिक्षासेवी भट्टलाई एक आदर्श व्यक्तिŒव भएको उनले उल्लेख गरे ।

नेपाली साहित्य र संरक्षणमा बाटुलेचौरको ठूलो भूमिका रहेको चर्चा गर्दै डा. न्यौपानेले यहँ अनगिन्ती प्रतिभाहरू मुस्कुराई रहेको बताए ।

कृतिको समीक्षा गर्दै प्राडा. श्रीधर न्यौपानेले दुखद् घटनाबाट उपन्यास सिर्जना भएको उल्लेख गर्दै पाको उमेरमा गहन कृति आएको दाबी गरे ।

स्रष्टाको परिचय प्रस्तुत गर्दै सञ्चारकर्मी रामप्रसाद पौडेलले शिक्षासेवी, साहित्य सेवी र समाजसेवीका रुपमा भट्टराईले ठूलो योगदान दिएको बताए ।

कृतिकार भट्टराईले एक अबोध बालिकाले भोग्नुपरेको पीडाबाट उपन्यास सिर्जना भएको जानकारी दिए ।

त्यस अवसरमा पोखरा १६ का पूर्व वडाध्यक्ष जीवन आचार्य, प्रतिष्ठानका संरक्षक कुञ्जराज थापा, सल्लाहकार शिव त्रिपाठी, कुलबहादुर खत्रीलगायतले बोलेका थिए ।

प्रतिष्ठानका अध्यक्ष हरिबहादुर बरुवालको अध्यक्षतामा भएको कार्यक्रममा उपाध्यक्ष गीता भण्डारीले स्वागत र सचिव दीपेन्द्र बानियाले सञ्चालन गरेका थिए ।