विराटनगर । नेपाल मुक्तक प्रतिष्ठान कोशी प्रदेश शाखाको आयोजनामा मुक्तककार नानुमैया दाहालको पहिलो मुक्तकसङ्ग्रह “खुला आकाशमुनि” असार २२ गते विराटनगरमा लोकार्पण भएको छ ।
नेपाल मुक्तक प्रतिष्ठान कोशी प्रदेश शाखाका अध्यक्ष बाबुराम पोखरेल, नेपाल प्रज्ञा प्रतिष्ठान सदस्य सचिव प्राज्ञ डा. धनप्रसाद सुवेदी, पूर्वाञ्चल साहित्य प्रतिष्ठानका अध्यक्ष प्राज्ञ विवश पोखरेल, चेतना संरक्षण प्रतिष्ठान नेपालकी अध्यक्ष प्राज्ञ गंगा सुवेदी, वरिष्ठ मुक्तककार, गीतकार तथा कलाकार रमेश पौडेल, अग्रज साहित्यकार बलराम पोखरेल, विराट साहित्य सङ्गमका अध्यक्ष मधु पोखरेल लगायतले संयुक्त रुपमा कृतिको विमोचन गरेका थिए।
विमोचित कृति माथि समालोचक हरि कट्टेलले समीक्षा गरे । मुक्तकसङ्ग्रहमा लेखकले हरेक विषयवस्तु गहन ढङ्गले उठाएको बताए।
सङ्ग्रह भित्रबाट साहित्यकार तिला लेकाली, विनोद विवश, रोहिणि रसिक, मन्जुश्री गिरि, मन्जु घिमिरे दाहाल, स्विकृति रेग्मी, लक्ष्मी रायमाझी, प्रिन्स प्रमोद ढकाल, मदन भण्डारी लगायतले मुक्तकहरफहरु वाचन गरेका थिए।
कार्यक्रममा प्राज्ञ डा. धनप्रसाद सुवेदीले विमोचित सङ्ग्रहले नेपाली मुक्तक विधामा नारी स्रष्टाको वाक्लो उपस्थिति रहेको पुष्टि गर्नुका साथै मुक्तकको श्रीवृद्धिमा इटा थपिएको बताए।
प्राज्ञ विवश पोखरेलले नानुको खुला आकाशमुनि पहिलो सङ्ग्रह भए पनि लेखन कलाको हिसाबले लेखक आफैमा शक्तिशाली रहेको बताए।
त्यस्तै प्राज्ञ गंगा सुवेदीले कृतिकारलाई बधाई ज्ञापन गर्दै लेखनमा निरन्तरता दिनु पर्ने बताए ।
मुक्तककार रमेश पौडेलले कृतिको प्रसंसा गर्दै अबको धेरै वर्ष पछि पनि नेपाली मुक्तकमा उक्त कृति पाठकले खोजी खोजी पढ्ने र आफू मुक्तक विश्वब्यापी बनेकोमा हर्षित भएको बताए।
प्रतिष्ठानले मुक्तक लेख्न चाहनेलाई प्रशिक्षण, अन्तरक्रिया कार्यक्रम संचालन गर्दै आएको अध्यक्ष बाबुराम पोखरेलले बताए।
१५२ वटा मुक्तक समावेश गरिएको खुला आकाशमुनिसम्म आइपुग्दा स्थापनाको छोटो समयमा ११ वटा मुक्तकसङ्ग्रह प्रकाशित गरिसकेको संस्थाका सचिव मदन भण्डारीले जानकारी दिए।
Related News
सम्बन्धित समाचार
को होला मिस पोखरा ?
खगराज शर्मा आचार्यको अभिनन्दन
गण्डकी प्रदेशको प्रगतिशील साहित्यबारे बहस
दुर्गा र जमुनालाई सञ्चारिका पत्रकारिता पुरस्कार
मुस्ताङमा अन्तर्राष्ट्रिय पर्वतीय कला महोत्सव, विश्व प्रसिद्ध चित्रकार भेला हुने
hero news full width
मुख्य समाचार
रविलाई फेरि अदालत उपस्थित गराइँदै
जेठोबुढो जोगाउँदै पोखरा महानगर
कार्तिक ७, २०८१नेसपाले नाम फेर्ने, महाधिवेशन माघमा
कार्तिक ७, २०८१विदेश छोडेर कागती खेती
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१