फेवातालमा पौडी प्रतियोगिता

आदर्श समाज सम्वाददाता
वैशाख २९, २०८१
swimming 1

पोखरा । गण्डकी प्रदेश पौडी संघको आयोजनामा पोखरामा पहिलो पल्ट प्रथम पोखरा खुला पौडी प्रतियोगिता–२०८१ भएको छ ।

शनिबार फेवातालमा बसुन्धरा पार्क छेउबाट ५ सय मिटर फ्रि स्टाइल इभेन्टमा भएको पौडी प्रतियोगितामा पुरुषतर्फ अभय अधिकारी र महिलातर्फ रुवि तामाङ प्रथम भए ।
स्याङ्जा घर भइ हाल पोखरा सिम्पानी बस्ने अभयले निर्धारित दुरी ८.५०.०३ मिनेटमा पूरा गरेका हुन् । अर्जुन नेपाली र ऋषि पौडेल क्रमश दोस्रो र तेस्रो भए । उनीहरुले निर्धारित दुरी ९.२०.०७ र ९.३३.८१ मिनेटमा पूरा गरेको संघ अध्यक्ष आनन्द कुँवरले जानकारी दिए ।

महिलातर्फ प्रथम रुविले निर्धारित दुरी ११.०८.७७ मिनेटमा पूरा गरेकी हुन् । दोस्रो भएकी लसता श्रेष्ठले ११.२४.३७ मिनेट लगाउँदा तेस्रो भएकी युनिसा कुँवरले १५.२५.२१ मिनेट लगाइन् । पुरुषतर्फ ३३ र महिलातर्फ ४ जनाले प्रतिस्पर्धा गरेका थिए ।

पुरुष र महिलातर्फ प्रथम, दोस्रो र तेस्रोले क्रमश १० हजार, ८ हजार र ५ हजार साथमा सिल्ड र प्रमाणपत्र पुरस्कार प्राप्त गरे ।

पर्यटकतर्फ अर्को इभेन्टमा फ्रान्सकी बेला हे प्रथम भइन् । उनले निर्धारित दुरी ९.०७.८३ मिनेटमा पूरा गर्दा दोस्रो स्थानमा अष्ट्रेलियन नागरिक चाल्र्स लोट्टे लौसर्याल भए । उनले ९ मिनेट ५२ सेकेण्डमा दुरी पूरा गर्दा अमेरिकी रेमन माइकललाई १४ मिनेट ७ सेकेण्ड लाग्यो । विदेशीतर्फ विजयीलाई विभिन्न गिफ्ट ह्याप्पर प्रदान गरिएको थियो ।

पोखरा वडा ६ का वडाध्यक्ष विष्णुबहादुर भट्टराईले प्रतियोगिता उद्घाटन गर्दै यसखालको प्रतियोगिताले पोखरालाई खेल पर्यटनको विकासमा सघाउ पुग्ने बताए । पहिलो प्रतियोगिताले आफूहरुलाई उत्साहित बनाएको भन्दै आयोजक गण्डकी प्रदेश पौडी संघ अध्यक्ष आनन्द कुँवरले आगामी वर्ष पनि निरन्तरता दिने बताए ।

Related News

सम्बन्धित समाचार

  • स्टिमरमा बुद्धिचाल प्रतियोगिता !

    आदर्श समाज सम्वाददाता जेठ १२, २०८१
    स्याङ्जा । कालीगण्डकी गाउँपालिका–७ स्थित आँधीमुहानमा मोटरबोट (स्टिमर) मा शनिबारदेखि बुद्धिचाल प्रतियोगिता सुरु भएको छ । कालीगण्डकी गाउँपालिका र गण्डकी…
  • सेमेस्टरस्तरीय कप फुटसल

    आदर्श समाज सम्वाददाता जेठ ११, २०८१
    पोखरा । गण्डकी बहुप्राविधिक शिक्षालय आयोजनामा विभिन्न सेमेस्टरका विद्यार्थीको सेमेस्टरस्तरीय फुटसल प्रतियोगिता सम्पन्न भएको छ । पोखरा–२६ स्थित ब्ल्याक होल…
  • क्रिकेटमा टिम वाराहीको जित

    आदर्श समाज सम्वाददाता जेठ ११, २०८१
    पोखरा । यू–१९ वाईवाई कप कास्की जिल्ला पुरुष क्रिकेट छनोट प्रतियोगिता–२०८१ टिम वाराही विजेता बनेको छ । कास्की जिल्ला क्रिकेट संघ…
  • न्यायिक समिति उत्कृष्ट भएको दाबी

    आदर्श समाज सम्वाददाता जेठ ९, २०८१
    पोखरा । पोखरा महानगरपालिकाका मेयर धनराज आचार्यले न्याय निरुपणका हिसाबले पोखरा महानगरपालिकाको न्यायिक समिति उत्कृष्ट रहेको दाबी गरेका छन् ।…
  • फिस्टेल एसइई कपमा फिस्टेल र भद्रकाली च्याम्पियन

    आदर्श समाज सम्वाददाता जेठ ९, २०८१
    पोखरा । फिस्टेल एकेडेमी मावि, बिरौटाद्वारा आयोजित ‘फिस्टेल एसइई कप २०८१’ मा छात्रा बास्केटबलतर्फ फिस्टेल एकेडेमी र सेभेन ए साइड…

hero news full width

trending post

ट्रेन्डिङ्ग