राष्ट्रिय माविको दौडमा तेञ्जन र कविता प्रथम

आदर्श समाज सम्वाददाता
वैशाख २९, २०८१
IMG_2047

पोखरा । राष्ट्रिय मावि पोखराले हीरक महोत्सव अवसरमा आयोजना गरेको ५ किमी छात्रछात्रा सडक दौडमा छात्रतर्फ छोरेपाटनका तेञ्जेन रोका मगर प्रथम भए । छात्रातर्फ गौरीशंकरकी कविता मगरले उपाधि जितिन् ।

तेञ्जेनले ६ सय १३ जना धावकलाई पछि पार्दै निर्धारित दुरी १६.५७.६३ मिनेटमा पूरा गरेका हुन् । छोरेपाटनकै प्रकाश थिङ दोस्रो र अक्सफोर्डका ईश्वर ढकाल तेस्रो भए । उनीहरुले निर्धारित दुरी १७.१२.१३ मिनेट र १७.४७.९४ मिनेटमा पूरा गरेका हुन् ।

छात्रातर्फ प्रथम कविताले निर्धारित दुरी पार गर्न २२.३२.०१ मिनेट लगाइन् । उनले दौडमा २ सय ५३ जनालाई पछि पारेकी हुन् । छात्रातर्फ मेघराज आधारभूत माविकी एन्जिला जिटी दोस्रो र छोरेपाटनकी साधना सेवा तेस्रो भइन् ।

छात्रछात्रा दुवैतर्फ प्रथम, दोस्रो र तेस्रोले क्रमश ७, ५ र ३ हजार साथमा पदक र प्रमाणपत्र पुरस्कार पाए । चौथोदेखि १० औं स्थान प्राप्त गर्ने विद्यार्थीलाई समेत पदक र प्रमाणप दिइएको थियो ।

दौडमा ४४ विद्यालयका ६ सय १४ छात्र र २ सय ५४ छात्रा गरी ८ सय ६८ जनाले भाग लिएका थिए । विजयीलाई गण्डकी प्रदेश सभा सदस्य गणेशमान गुरुङ, पोखरा १ का अध्यक्ष शाहारा प्रधान, नेपाल भूतपूर्व खेलाडी मञ्चका कावा अध्यक्ष दिलबहादुर गुरुङ, अग्रज खेलाडी खड्गबहादुर रानाभाट, विद्यालय अध्यक्ष रामविक्रम राणा, प्रअ ईश्वरी सापकोटा, हीरक महोत्सव खेलकुद उपसमिति संयोजक एवं ओलम्पिक कमिटी उपाध्यक्ष तेजबहादुर गुरुङ लगायतले पुरस्कार वितरण गरेका थिए ।

सो अवसरमा विजेतालाई नेपाल भूतपूर्व खेलाडी मञ्चले प्रोत्साहनस्वरुप पोखरा म्याराथन लोगोअंकित टिसर्ट प्रदान गरेको थियो ।

Related News

सम्बन्धित समाचार

  • गण्डकीमा बजेटको सिद्धान्त र प्राथमिकता आज

    आदर्श समाज सम्वाददाता जेठ १७, २०८१
    पोखरा । गण्डकी प्रदेशमा नयाँ मुख्यमन्त्री नियुक्ति भएलगत्तै प्रदेश सभाको बैठक आज बस्ने भएको छ । प्रदेश सभा सचिवाललयले सूचना…
  • पोखरा मुग्लिन सडक विस्तार- पोखरा खण्डमा पिचको तयारी

    आदर्श समाज सम्वाददाता जेठ १७, २०८१
    पोखरा । निर्माणाधीन पोखरा मुग्लिन सडक विस्तार परियोजनाको पोखरा खण्डमा पिचको तयारी गरिएको छ । पछिल्लो समय तीव्रताका साथ काम…
  • ५२ दिनपछि पाण्डेको ‘कमब्याक’

    आदर्श समाज सम्वाददाता जेठ १७, २०८१
    पोखरा । नेपाली कांग्रेस गण्डकी प्रदेश संसदीय दलका नेता सुरेन्द्रराज पाण्डे ५२ दिनपछि गण्डकीको मुख्यमन्त्रीमा फर्किएका छन् । सर्वोच्च अदालतले…
  • प्रदेशका मन्त्रीले क्वाटरमै बुझे ५० लाख घुस !

    आदर्श समाज सम्वाददाता जेठ १६, २०८१
    गण्डकी प्रदेशका एक मन्त्रीले पदमा बहाल रहेकै बेला निवासमै बोलाएर बहुवर्षे योजनाका लागि ५० लाख रुपैयाँ बुझेको, बाँकी १० लाख…
  • रविचन्द्रलाई अन्नपूर्ण पर्यटन पुरस्कार

    आदर्श समाज सम्वाददाता जेठ १६, २०८१
    पोखरा । अन्नपूर्ण सेन्चुरी पर्यटन समितिद्वारा सञ्चालित यस वर्षको अन्नपूर्ण पर्यटन पत्रकारिता पुरस्कार–२०८१ रविचन्द्र पराजुलीलाई प्रदान गरिने भएको छ ।…

hero news full width

trending post

ट्रेन्डिङ्ग