दमौली । पोखराका कृष्ण सुवेदी आइतबार भान्जासँग मोटरसाइकलमा काठमाडौं जाँदै थिए । पृथ्वी राजमार्गअन्तर्गत दमौलीसम्म के पुगेका थिए, ट्राफिक प्रहरीले बाइक रोक्न संकेत गरे ।
अरूबेला काममा खटिएका ट्राफिक प्रहरी जवानलाई कार्यक्षेत्रमै रहे पनि कागजपत्र र यात्रुको जाँच गर्न आदेश दिने प्रहरी प्रमुख त्यस दिन हात जोडेरै मोटरसाइकल नजिक पुगे । राजमार्गमै थिए–जिल्ला प्रहरी प्रमुख अरुण पौडेल र ट्राफिक प्रहरी प्रमुख रेशम रानाभाट । सुवेदीले ट्राफिक चेकिङ होला भन्दै आफ्नो सवारी कागजात निकाले ।
उनीहरूले कृष्णलाई चेकिङ साटो ट्राफिक नियमबारे बुझाउन थाले । सुवेदीसँग ५ मिनेटमा विभिन्न ट्राफिक नियमको पालनासँगै दुर्घटनाबाट बच्ने उपाय बताउँदै सम्झाएर पठाए ।
गण्डकी प्रदेश प्रहरी कार्यालयको कार्यक्रमअनुसार दमौलीमा आइतबारदेखि ‘दुईपाङ्गे्र सवारीसाधनको चालकसँग ५ मिनेट’ कार्यक्रम सुरु भएको छ । प्रदेश सरकारको समन्वय र प्रदेश ट्राफिक प्रहरी कार्यालयको आयोजनामा ट्राफिक व्यवस्थापन सुधार कार्यक्रम सुरु गरिएको हो ।
कार्यक्रम उद्घाटन गर्दै गण्डकी प्रदेश आन्तरिक मामिला तथा कानुन मन्त्री हरिबहादुर चुमानले सचेतना कमीले दुईपाङ्ग्रे सवारीसाधन दुर्घटना बढ्दो रहेकोले यसखालको अभियान आवश्यकता रहेको बताए ।
व्यास नगरपालिकाको प्रमुख वैकुण्ठ न्यौपानेले दुईपांग्रे सवारीसाधन लाइसेन्सबिनै चलाउनेहरु बढेकोले दुर्घटना न्यूनीकरण हुन नसकेको बताए । प्रमुख जिल्ला अधिकारी सागर आचार्यले सो अभियानले सवारी दुर्घटनामा कमी आउने विश्वास व्यक्त गरे ।
तनहुँ उद्योग वाणिज्य संघ अध्यक्ष मानकाजी श्रेष्ठले ट्राफिक व्यवस्थापन विगतभन्दा सुधार हँुदै गएको उल्लेख गर्दै व्यवस्थापनमा संघले निरन्तर सहयोग गर्दै आएको दाबी गरे ।
‘चालक जिम्मेवार बन्दा धेरै जोखिम कम गर्न सकिन्छ । हामी जिम्मेबार चालक बनाउन नमस्कार गरेर सम्झाउने र सचेतना गराउने अभियान थालेका छौं,’ प्रदेशका ट्राफिक प्रमुख प्रभुप्रसाद ढकाल भन्छन्, ‘जानकारीमूलक सानो ब्रोसर दिन्छौं र सम्झाएर पठाउँछौं ।’
ढकालले दुर्घटना अस्वभाविक बढ्दै गएकोले अभियान थालिएको र प्रदेश ट्राफिक व्यवस्थापनलाई पनि प्रविधिमैत्री बनाइने जानकारी दिए ।
Related News
सम्बन्धित समाचार
एकातिर खोला, अर्कैतिर पुल
ढुंगाबालुवा चोरी निकासीमा संलग्न ५ गाडी नियन्त्रण
एमाले मुस्ताङको अध्यक्षमा दीपक लालचन
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१