कोरोना भाइरसको महामारीका कारण स्थगनमा रहेको फ्रान्सेली लिग–१ र लिग–२ को २०१९/०२० सिजन जुन १७ मा सुरु गरेर जुलाई २५ मा सम्पन्न गर्ने समाचार छ ।
फ्रान्समा व्यावसायिक लिगहरू सञ्चालन गर्ने आधिकारिक निकाय लिग डे फुटबल प्रोफेसनल (एलएफपी)ले योजना सार्वजनिक बनाएको हो । एलएफपी बोर्डका सबै सदस्यहरूले सर्वसम्मत रूपमा शीर्ष डिभिजन र दोस्रो डिभिजनको लिग जुन १७ मा सुरु गरेर जुलाई २५ मा सक्ने विषयमा सहमति जनाएका हुन् ।
कोरोना भाइरसको महामारीले फ्रान्समा उग्र रूप लिन थालेपछि मार्च ११ देखि शीर्ष दुई डिभिजनका लिग स्थगित गरिएका थिए । सरकारले पूरा देशव्यापी लकडाउन गरेको थियो । लकडाउनलाई मे ११ तारिखसम्मका लागि लम्ब्याइएको छ ।
एलएफपीले यो सिजनका बाँकी खेलहरू बन्द रंगशालामा दर्शकको उपस्थितिविना गर्ने योजना बनाएको छ । तर, त्यसका लागि सरकारी अनुमति भने आउन बाँकी नै छ ।
एलएफपीको जारी विज्ञप्तीमा भनिएको छ, ‘हामीले अगस्ट २२ मा २०२०/०२१ को नयाँ सिजन पनि सुरु गर्न सक्नेछौं । सरकारले अप्रिलको अन्त्यमा गर्ने निर्णय हाम्रा लागि महत्वपूर्ण हुनेछ । त्यो बेलासम्म कोरोना भाइरसको अवस्थामा नियन्त्रण लिन सकिए सरकारले लकडाउन खुला गर्नेछ र हामीलाई पनि बन्द रंगशालामा खेल गराउने अनुमति दिनेछ ।’
एलएफपीले आफूहरू च्याम्पियन्स लिग र युरोपा लिगको क्यालेन्डर पनि पर्खिरहेको बताएको छ । युइएफएले आफ्ना प्रतियोगिताहरूको तालिका सार्वजनिक गरेमा त्यहीअनुसार आफूलाई घरेलु लिगको तालिका बनाउन सजिलो हुने एलएफपीले जनाएको छ ।
यसैगरी, एलएफपीले फ्रान्स फुटबल संघ (एफएफएफ)को मेडिकल कमिसनसँग पनि फ्रान्समा महामारीको अवस्थाबारे अध्ययन गरेर कहिलेदेखि क्लबहरूको अभ्यास सुरु गर्न सकिने भन्ने विषयमा सुझाव मागेको छ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१