पुरुष फुटबल सुचारु रहेको बेलारुसमा महिला फुटबल प्रतियोगिताको नयाँ सिजन स्थगित गरिएको छ ।
कोरोना भाइरसको कारण त्यहाँ महिला फुटबल प्रतियोगिताको नयाँ सिजन स्थगित गरिएको बेलारुस फुटबल संघले विज्ञप्तीमार्फत जनाएको छ ।
युरोपमा अन्य ठूला प्रिमियर घरेलु लिग स्थगित भएको अवस्थामा बेलारुसमा पुरुष फुटबल प्रतियोगिता जारी नै रहेको छ । पुरुष फुटबल भने जारी रहने बेलारुस फुटबल संघले जनाएको छ ।
संघले विज्ञप्तीमा भनेको छ, ‘सन् २०२० को प्रारम्भमै महिला फुटबल सुरु हुनुपर्ने थियो । चार महिनासम्म प्रतियोगिता शुरु हुन नसक्दा महिला फुटबल स्थगित गर्नुपरेको छ ।’
‘अहिले अनिश्चितकालका लागि महिला फुटबल स्थगित गरेका छौँ,’ संघले जारी गरेको विज्ञप्तिमार्फत स्पष्ट पारिएको छ,’ ‘महिला फुटबलका केही खेलाडीमा संक्रमण देखिएकाले प्रतियोगिता नै स्थगित गर्नुपरेको हो ।’
बेलारुसमा कोरोना भाइरसबाट बुधबारसम्म बेलारुसमा ३ हजार ७ सय ७८ व्यक्ति कोरोना भाइरस संक्रमित भएका छन् । त्यहाँ भाइरसबाट ३६ जनाको निधन भएको छ । तरपनि, रंगशालामा दर्शकको उपस्थितिमै फुटबल नियमित भइरहेको छ ।
राष्ट्रपति एलेसान्डर लुकासेन्कोले लकडाउन घोषणा गर्दापनि गत महिना आइस हक्कीको लिगमा दर्शकको उपस्थिति थियो । बेलारुसका पर्यटकमन्त्री सजिई कोभाल्चोकले लकडाउनको अवस्थामा खेलकुद गतिविधि रोकिनुपर्ने कारण नभएको बताउँदै आएका छन् । कोभाल्चोकले भनेका छन् ‘खेलकुदका च्याम्पियनसीप रोकिनुहुन्न । हामीले पुरुष फुटबल खेल जारी नै राखेका छौँ ।’
पछिल्लो समयमा पुरुष फुटबल प्रतियोगितामा दर्शक आउन छाडेका छन् । दर्शक भाइरसबाट संक्रमित हुन सक्ने डरले रंगशालामा आउन छाडेको पर्यटकमन्त्री कोभाल्चोकले बताए । रंगशालामा आउने दर्शकको संख्या ७० प्रतिशत घटेको मन्त्रीको भनाई छ । राज्यले समर्थकलाई अनिवार्य रूपमा रंगशालामा उपस्थिति हुनुपर्ने निर्देशन नदिएको उनले दाबी गरेका छन् ।
Related News
सम्बन्धित समाचार
स्केटिङ तथा स्केटबोर्डिङ संघमा राजकुमार
कसको हातमा पर्ला वर्ष खेलाडीको उपाधि ?
वर्ष खेलाडीको चर्चा
पराजुलीलाई उत्कृष्ट खेलकुद पत्रकारिता अवार्ड
महेन्द्रपुल युथ क्लब आयोजनामा बास्केटबल प्रतियोगिता हुने
hero news full width
मुख्य समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१