पोखरा । चालु आर्थिक वर्षको ८ महिनामा गण्डकी प्रदेशमा एक हजार २ सय ६१ जना क्षयरोगी भेटिएका छन् । गण्डकी प्रदेशका ११ जिल्लामा चालु आर्थिक वर्षको साउनदेखि फागुन महिनासम्ममा कास्कीमा सबैभन्दा बढी तीन सय १७ जना क्षयरोगी भेटिएका छन् । सो अवधिमा मनाङमा भने क्षयरोगी भेटिएका छैनन् ।
विश्व क्षयरोग दिवसको पूर्व सन्ध्यामा सामाजिक विकास मन्त्रालय स्वास्थ्य निर्देशनालय पोखराले सोमबार पत्रकार सम्मेलन गरी दिएको जानकारी अनुसार गतवर्ष सो अवधिमा दुई हजार दुई सय ६० जना क्षयरोगी भेटिएका थिए । विगतका पाँच वर्षको तुलनामा चालु आर्थिक वर्षको सो अवधिमा गण्डकी प्रदेशमा क्षयरोगीको संख्या ह्वात्तै घटेको छ । नेपालमा प्रत्यक वर्ष ४२ हजार नयाँ क्षयरोगी भेटिने गरेको र पाँच हजार पाँच सय जनाको मृत्यु हुने गरेको निर्देशनालयका क्षय–कुष्ठ निरीक्षक लक्ष्मण बस्यौलाले जानकारी दिए । नेपालमा प्रत्यक दिन एक सय १५ जना नयाँ क्षयरोगी भेटिने र प्रत्यक दिन १५ जनाको मृत्यु क्षयरोगका कारण हुने गरेको छ ।
नेपालमा सन् २०२१ सम्ममा क्षयरोगबाट प्रभावित नयाँ विरामीको संख्या २० प्रतिशतले र सन् २०३५सम्ममा ९० प्रतिशतले कम गर्ने लक्ष्य रहेको छ । सन् २०५० सम्ममा भने नेपाललाई क्षयरोग निवारण मुलुक बनाउने लक्ष्य लिइएको क्षय–कुष्ठ निरीक्षक बस्यौलाको भनाइ छ। एच्आइभी पोजेटिभमा क्षयरोग संक्रमण हुने सम्भावना बढी रहन्छ । क्षयरोग श्वासप्रश्वासको माध्यमबाट सर्ने रोग हो । एक जना क्षयरोगीले ग्रामिण क्षेत्रमा वर्षमा १० देखि १५ र शहरी क्षेत्रमा २५ जनासम्मलाई क्षयरोग सार्न सक्ने अनुमान गरिएको छ ।
दुई हप्ता वा सोभन्दा बढी समयसम्म लगातार खोकि लाग्नु, साँझपख हल्का ज्वरो र पसिना आउँनु, खाना खान मन नलाग्नु, तौल घट्नु, छात्ति दुख्नु, श्वास फेर्न गाहे हुनु र खकारमा रगत देखिनु क्षयरोगका मुख्य लक्षण हुन् । धुम्रपान गर्ने व्यक्ति, लागुपदार्थ सेवन गर्ने व्यक्ति, श्वासप्रश्वासका दीर्घ रोगी, अङ्ग प्रत्यारोपण गरेका व्यक्ति, उमेर ढल्केका व्यक्ति, सिमेन्ट, गलैचा कम्पनी तथा ढुङ्गा, गिटी, कुट्ने मजदुर क्षयरोगका जोखिममा छन् । नियमित ६ महिनासम्म उपचार गरेमा क्षयरोग निको हुन्छ । सरकारले निःशुल्क क्षयरोगको उपचार गर्दै आएको छ । ‘कार्य अबको, क्षयरोगको अन्त्य’ भन्ने मूल नाराका साथ मङ्गलबार विश्व क्षयरोग दिवस मनाईदै छ । पत्रकार सम्मेलन नेपाल पत्रकार महासंघ कास्कीका अध्यक्ष दिपेन्द्र श्रेष्ठको अध्यक्षतामा भएको थियो ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१