लमजुङ ।जिल्लाको कान्छो राइनास नगर कार्यपालिकाको बैठक ५ महिनादेखि अबरुद्ध छ । मेयर, उपमेयर र प्रमुख प्रशासकीय अधिकृतबीच मनोमालिन्य कारणले बैठक अवरुद्ध हुँदै आएको हो ।
नगर कार्यपालिकाको २१ सदस्यीय समितिमा १७ जना उपमेयरसहित नेपाली काँग्रेसका प्रतिनिधि छन् । मेयर सहित ३ जना नेकपाका प्रतिनिधि छन् भने प्रमुख प्रशासकीय अधिकृत त्यसको सदस्यसचिव रहने व्यवस्था छ । आफूले नियमानुसार हरेक महिना बैठक बोलाउने गरेकोमा ४ जनाको मात्र उपस्थिति रहने गरेको नगरपालिकाका मेयर सिंहबहादुर थापाले बताए । उनका अनुसार यसबाट नगरपालिकाले गर्नुपर्ने हिउँदे अधिवेशनको समेत निर्णय हुन सकेको छैन ।
उपमेयर धनकुमारी गुरुङले प्रमुख प्रशासकीय अधिकृतले आफूहरूको मानमर्दन गर्ने बोली व्यवहार गर्र्दै आएको र एक दिनको कार्यपालिका बैठकमा समेत हामीले भनेको निर्णय लेख्न अस्वीकार गर्दै बैठकबाट निस्केर हिडेको जानकारी दिइन् । उनले भनिन्, ‘तर मेयरले त्यस्तो प्रमुख प्रशासकीय अधिकृतलाई काखी च्याप्ने काम गरेका कारण नगरपालिका अनिर्णयको बन्दी बनेको हो । गाँठो फुकाउने काम मेयरको हातमा छ ।’
यसबारे प्रमुख प्रशासकीय अधिकृत रामचन्द्र अधिकारीले सम्पर्क गर्दा उनले ‘बैठक अवरुद्ध भयो भन्ने गलत कुरा कस्ले सुनायो’ भन्दै प्रतिप्रश्न गरे । उनले भने, ‘नगरसभाले गरेका निर्णय कार्यान्वयनमा कुनै समस्या छैन । योजनाको सम्झौता गर्ने, सम्पन्न भएका कामको भुक्तानी लिने लगायत दैनिक काम रोकिएको छैन। कसरी नगरपालिका अनिर्णयको बन्दी हुन्छ ।’उनका अनुसार जनप्रतिनिधिले आफ्नो रुचिका योजनामा मनलाग्दी माग गरिएको ५÷७ लाख रुपैयाँ दिन स्रोत नभएको हुँदा स्रोतको पहिचान गरेरमात्र निर्णय गरौं भन्ने अनुरोध गर्दा आफू अर्घेलो भएको बताए ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
hero news full width
मुख्य समाचार
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१