पोखरा ।नेपाल कम्युनिष्ट पार्टी (नेकपा) उपाध्यक्ष बामदेव गौतमलाई राष्ट्रिय सभामा लैजाने र उनैका लागि संविधान संशोधन गर्ने विषय यतिबेला नेपाली राजनीतिमा चरम बहस र छलफलमा छ । एकाथरीले बामदेवलाई राष्ट्रिय सभा सदस्य हुँदै प्रधानमन्त्रीसम्म बन्ने बाटो खोल्ने र अर्कोथरी संविधान व्यक्तिका लागि संशोधन नहुने बताउँदै आएका छन् ।
संविधान संशोधनका लागि नेकपाभित्रै कार्यदल समेत गठन भएकोमा चौतर्फी विरोधपछि कार्यदल भङ्ग गरिएको छ । यही अवस्थामा नेकपा गण्डकी प्रदेशको तेश्रो पूर्ण बैठकले पार्टीभित्रको गुटबन्दी अन्त्यको माग गरेको छ । ‘पार्टीभित्रको सबै गुटबन्दी अन्त्य गरी पार्टीलाई विचारधारात्मक, संगठनात्मक र भावनात्मक रुपमा एकताबद्ध, सुदृढ र सवल पार्न हामी प्रतिबद्ध छौं,’ बैठकले निर्णय गरेको छ । बाँकी रहेका सांगठानिक काम समयसीमा तोकेरै पूर्णता दिने र पार्टीलाई गतिवान् बनाउने निर्णय गरेको छ ।
मंगलबार र बुधबार पोखरामा बसेको बैठकले २० बुँदे समसामयिक प्रस्तावमाथि निर्णय गरेको नेकपा गण्डकीका सचिव गोविन्द नेपालीले जानकारी दिए । उनका अनुसार बैठकले चैतदेखि जेठ मसान्तसम्म पार्टी एकता सुदृढीकरण र जनसम्बन्ध विस्तार अभियान सञ्चालन गर्ने निर्णय पनि गरेको छ । यसका लागि चैत १ मा ११ वटै जिल्ला सदरमुकाममा सरसफाई कार्यक्रम गरी अभियानको थालनी गर्ने निर्णय भएको छ ।
यस्तै, कालापानी, कुटियाङदीसहित लिम्पियाधुराबाट भारतीय सेना फिर्ता लैजान दबाब दिएको छ भने अतिक्रमित भूभाग र सीमा क्षेत्रलाई ब्यवस्थित बनाउन सरकारसँग माग गरेको छ । विभिन्न देशमा फैलिएको कोरोना भाइरसका कारण उत्पन्न परिस्थिति सामना गर्न सरकारले गरेको कामप्रति धन्यवाद दिँदै दक्षिण कोरिया, यूरोप लगायत देशमा पनि सरकारी संयन्त्र परिचालन गर्न आग्रह गरेको छ ।
महिलामाथि हुने हिंसाविरुद्ध लड््ने र पैतृक सम्पत्तिमाथि संविधानले दिएको समान अधिकार कार्यान्वयन गराउन पार्टीका नेता कार्यकर्तालाई सुझाएको छ । सबै प्रकारका जातीय भेदभाव अन्त्य गर्ने प्रतिबद्धता जनाएको छ भने सुशासन कायम गर्न र भ्रष्टाचार अन्त्यका लागि निर्ममतापूर्वक लाग्न तीनै तहका सरकारलाई आग्रह गरेको छ । बालुवाटार, मातातीर्थ सहित विभिन्न ठाउँका अतिक्रमित जग्गा फिर्ता लिन सरकारको ध्यानाकर्षण गराएको छ ।
नेपालमा स्थिर राजनीति रहेको र लगानी गर्ने वातावरण सहज भएको भन्दै विदेशी लगानी ढुक्कसँग गर्न आह्वान गरेको छ । गण्डकी प्रदेशलाई पर्यटनको हव र पोखरालाई पर्यटनको राजधानी घोषणा गर्न पनि माग गरिएको छ ।बैठकले मुस्ताङको कोरलादेखि नवलपुरको त्रिवेणीसम्मको सडकलाई राष्ट्रिय गौरवको आयोजनाको मान्यता दिई जतिसक्दो छिटो पूरा गर्न आग्रह गरेको छ । यस्तै, गोरखा र मनाङको उत्तरी नाका खोल्न र त्यसको ब्यवस्थापन मिलाउन पनि सरकारको ध्यानाकर्षण गरेको छ । यो नाका खोले नेपालको विकासमा थप टेवा पुग्ने बैठकको ठहर छ । बर्दघाट पूर्व र सुस्ता समेत गण्डकी प्रदेशमा भएको उल्लेख भए पनि त्यसको दायर गण्डकी प्रदेशमा नरहेको तत्काल व्यवहारिक समस्या सुल्झाउन माग गरेको छ ।
फेवा, वेगनास, रुपा, दीपाङ्ग, मैदी, खाष्टे, न्यूरेनी, गुदे, तिलिचो लगायत तालहरुको संरक्षण र सौन्दर्यीकरणको योजना सञ्चालन गर्न सुझाव दिएको छ । अन्नपूर्ण संरक्षण क्षेत्र आयोजना (एक्याप) र मनास्लु संरक्षण क्षेत्र आयोजनाको सञ्चालन, संरक्षण र सम्वद्र्धनको जिम्मा संघीयताको भावना अनुसार प्रदेश र स्थानीय सरकारमा हस्तान्तरण गर्न संघ सरकारलाई आग्रह गरेको छ । कालिगण्डकी र मस्र्याङ्दी उपत्यकामा एकीकृत विकासको गुरुयोजना बनाउन र सांस्कृतिक धरोहर संरक्षण तथा नारायणी नदीको जल यातयातलाई सहज बनाउन अनुरोध गरिएको छ भने बहुचर्चित कालिगण्डकी डाइभर्सन आयोजना अघि नबढाउन सुझाएको छ । बैठकमा प्रदेशभित्रका सबै जिल्ला अध्यक्षले लिखित प्रतिवेदन पेस गरेका थिए ।
बैठकले प्रदेश कमिटिको कार्यालय गठन र सचिवालय समेत गठन गरेको छ । तर पूर्णता भने पाएको छैन । सचिवालय सदस्यमा ११ जिल्लाका अध्यक्षहरु तथा प्रदेशका अध्यक्ष र सचिव चयन भएका छन् । ६३ सदस्यीय सचिवालय अर्को बैठकबाट पूर्णता पाउने बताइएको छ । प्रदेश कमिटीका सदस्यको एकतिहाइ सचिवालय सदस्य हुनेछन् । गण्डकीमा १ सय ८९ सदस्यीय कमिटी छ । यस्तै, पाटी कार्यालयको जिम्मेवारी प्रदेशका अध्यक्ष र सचिवले पाएका छन् । प्रदेश कमिटीको कार्यालय ९ सदस्यीय हुने व्यवस्था छ । यो पनि आगामी बैठकबाट टुंगो लाग्ने बताइएको छ । सचिवालय सदस्यहरुमध्येबाट कार्यालय गठन हुने नेकपाको विधानमा उल्लेख छ ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१