पोखरा । एभरेष्ट प्रिमियर लिगको यो सिजनका लागि तयारी गर्दै गरेको टिम पोखरा राइनोजले एकपछि अर्को चमत्कार देखाएको छ ।
राइनोजले फेरी वेष्ट इण्डिजका अर्का खेलाडीलाई आफ्नो टिममा अनुबन्धन गरेको छ । यसपटक राइनोजले वेष्ट इण्डिजका तीव्र बलर क्यास्रीक विलियम्सलाई आफ्नो टिममा समावेश गरेको हो । एक समारोहबीच विलियम्सले सिजन–२०२० का लागि राइनोजमा अनुबन्धनको हस्ताक्षर गरे ।
विलियम्सले वेष्ट इण्डिजका थुप्रै घरेलु प्रतियोगिताहरु खेलिसकेका छन् । क्रिकेटमा अनुभवी ३० वर्षिया तेज बलर विलियम्सले सन २०११ मा प्रथम श्रेणीको क्रिकेटमा प्रवेश पाएका थिए । सन् २०१६ मा उनले क्यारेवियन प्रिमियर लिगमा सर्वाधिक विकेट लिंदै सनसनी फैलाएका थिए । त्यसलगत्तै, सन् २०१६ मा उनले पाकिस्तानविरुद्ध टी–२० मा डेब्यु गरे । सन २०१७ मा भारतविरुद्धको खेलबाट विलियम्सले एक दिवसीय क्रिकेटमा डेब्यु गरेका हुन् । उनले ८ वटा एकदिवसीय खेलबाट ९ विकेट लिन सफल भएका छन् । त्यस्तै, उनले २५ वटा टी–ट्वान्टीको खेलबाट ४१ विकेटमा आफ्नो नाम लेखाइसकेका छन् ।
पोखरा राइनोजमा उनलाई अनुबन्ध गरेपछि राइनोजका वनर दीपा अग्रवालले आफू विलियम्सको ‘सेलिब्रेसन स्टाइल’ बाट प्रभावित भएको बताइन् । ‘विकेट लिएपछि नाच्दै खुशी मनाउने उनको स्टाइलनै गजबको छ,’ अग्रवालले भनिन्, ‘नेपालीहरु समेत उनको यही सेलिब्रेसनसँग रम्न तयार रहनुहोस् ।’
उनको आगमनसँगै आफ्नो टिम बलिङ र व्याटिङ दुवै पक्षमा बलियो भएको अग्रवालले बताइन् । यसअघि नै राइनोजले वेष्ट इण्डिजका ब्याट्स्म्यान क्रिस गेललाई आफ्नो टिममा अनुबन्धन गराएको थियो । जुन खबरले नेपाली क्रिकेट जगतमा हंगामै मचाएको थियो ।
तस्बीर : विलियम्स
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१