पोखरा । म्याग्दी जिल्ला फुटबल संघ, कास्कीको आदर्श युवा क्लब र स्याङ्जाको होराइजन युथ क्लबले पोखरामा जारी प्रदेशस्तरीय मुख्यमन्त्री कप लिग फुटबलमा जित निकालेका छन् ।
जितसँगै उनीहरुले टोलीको खातामा स्पष्ट ३ अंंक जोडेका छन् । पोखराको लेखनाथस्थित भण्डारढिकको आदर्श खेल मैदानमा बिहीबार भएको प्रतियोगितामा समूह ‘बी’ मा रहेको म्याग्दी जिल्ला फुटबल संघले गैडाकोट खेलकुद विकास समितिलाई ३–१ गोलको जित निकाल्दै स्पष्ट ३ अंकको खाता खोलेको छ । लिग अन्तर्गत म्याग्दीले पहिलो खेल खेलकेको हो ।
म्याग्दीको जितमा सन्तोष पुन, सागर गर्बुजा र बिनम थजाली नायक बने । उक्त खेलमा सुरुवाती अग्रता भने नवलपुरले लिएको थियो । नवलपुरका रामबहादुर थापाले ४४ औं मिनेटमा गोल गर्दै नवलपुरलार्ई सुरुवाती अग्रता दिलाएका थिए ।
म्याग्दीको तर्फबाट सन्तोष पुनले ४६ औं मिनेटमा बराबरी गरे । सागर गर्बुजाले खेलको ६७ र बिनम थजालीले ७२ औं मिनेटमा गोल थप्दै टोलीलाई निर्णायक जित दिलाए ।
लिग अन्तर्गत दुई खेल खेलेको नवलपुरको ३ अंक छ । उसले गत बुधबार होराइजन युथ क्लब स्याङ््जालाई ३–१ ले हराउँदै ३ अंक बटुल्न सफल भएको थियो ।
त्यस्तै, बिहीबार नै भएको दोस्रो खेलमा घरेलु कास्कीको आदर्श युवा क्लबले डाँफे युवा क्लब मनाङलाई ७–२ को विशाल गोल अन्तरले हराउँदै स्पष्ट ३ अंक जोड्न सफल भएको छ ।
कास्कीका लागि सुलेमान थापामगरले ४ गोलको योगदान गरे । उनले खेलको ८, ४८, ६३ र ७४ औं मिनेटमा गोल गरेका थिए । अजय श्रेष्ठले १७ औं मिनेट र इन्जुरी समयमा गोल गरे । सुमित श्रेष्ले ६८ औं मिनेटमा गोल गरे ।
डाँफे युवा क्लब मनाङका लागि कर्ण गुरुङले ५५ र सिद्धार्थ गुरुङले ६० औं मिनेटमा गोल गरे । लिग अन्तर्गत समूह ‘ए’ बाट लगातार २ खेल खेलेको कास्कीले २ जित निकाल्दै ६ अंक जोड्न सफल भएको छ ।
कास्कीले लिग अन्तर्गत मंगलबार भएको उद्घाटन खेलमा बौद्ध हिमाल क्लब गोरखालाई ३–१ ले पाखा लगाउँदै ३ अंक बटुल्न सफल भएको थियो । जारी लिगमा २ खेल खेलेको डाँफे युवा क्लब मनाङको भने दुबै खेलमा लगातार हार ब्यहोरेको छ । उसले कुनैपनि अंक जोड्न सकेको छैन । पहिलो खेलमा लमजुङसँग पराजित हुँदै मनाङले अंक गुमाएको थियो ।
बिहीबार नै भएको समूह ‘बी’ को होराइजन युथ क्लब स्याङ्जाले बागलुङ जिल्ला फुटबल क्लबलाई ४–० ले हाउँदै ३ अंकको खाता खोलेको छ । पहिलो खेलमा गैंडाकोट खेलकुद विकास समितिसँग अंक गुमाएको स्याङ्जाले दोस्रो खेलमा अंकको खाता खोल्न सफल बन्यो ।
स्याङ्जाको जितमा शरदकुमार क्षत्रीले ह्याट्रिक गरे । शरदले खेलको २०, २२ र ३९ औं मिनेटमा ब्यक्तिगत ह्याट्रिक पूरा गरे । स्याङ््जाकै लागि ध्रुब घिमिरेले खेलको ७९ औं मिनेटमा १ गोल थपे । जारी लिगमा २ खेल खेलेको बागलुङले कुनै अंक जोड्न सकेको छैन । बुधबार पहिलो खेल खेलेको बागलुङले भिमाद युवा क्लब तनहुँसँग अंक गुमाएको थियो ।
लिग अन्तर्गत शुक्रबार पनि ३ खेल हुने म्याच कमिशनर एलबी ज्वारचनले जानकारी दिए । ज्वारचनका अनुसार शुक्रबारको पहिलो खेल समूह ‘ए’ को बौद्ध हिमाल क्लब गोर्खा विरुद्ध त्रिवेणी क्लब लमजुङले प्रतिस्पर्धा गर्नेछ ।
त्यस्तै, समूह ‘बी’ को भिमाद युथ क्लब तनहुँ र म्याग्दी जिल्ला फुटबल संघबीच दोस्रो खेल हुनेछ । समूह ‘बी’ कै गैडाकोट खेलकुद विकास समिति नवलपुर र बागलुङ जिल्ला खेलकुद विकास समितिबीच तेस्रो खेल हुनेछ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१