पोखरा । धम्पुसको मिलन युवा क्लबले घलेल भलिबल प्रतियोगिताको च्याम्पियन बनेको छ ।
तमु ल्होछारको अवसरमा आयोजित गाउँस्तरिय पुरुष भलिबल तर्फ मिलन युवा क्लब धम्पुस च्याम्पियन बनेको हो ।
घलेलस्थित खेल मैदानमा सम्पन्न फाइनल खेलमा मिलन युवा क्लब धम्पुुसले जुरे भूमी युवा क्लब तप्राङलाई पराजित गर्दै उपाधि जितेको हो । फाइनलमा जुरे भूमी युवा क्लब तप्राङलाई २५–२०, २५–२१ र २५–२२ को सोझो सेटले पराजित गर्दै मिलन युवा क्लब धम्पुुसले उपाधि जित्यो ।
उपाधिसँगै धम्पुसले शिल्ड, मेडल तथा प्रमाणपत्र सहित ७० हजार प्राप्त ग¥यो । उपबिजेता तप्राङले ४० हजार सहित ट्रफी, मेडल तथा प्रमाणपत्र पुरस्कार पायो ।
त्यस्तै, पुरुषतर्फकै भलिबल प्रतियोगितामा अन्नपूर्ण युवा क्लब तेस्रो बन्यो । मर्दी हिमाल क्लब सिँधिङलाई २५–१३, २५–१७ को सेटले पराजित गर्दै अन्नपूर्ण युवा क्लबले २५ हजार सहित ट्रफी, मेडल तथा प्रमाणपत्रमा चित्त बुझायो । मिलन युवा क्लब धम्पुसका मनोज खड्का प्रतियोगिताकै सर्वोत्कृष्ट खेलाडी घोषित भए । प्रतियोगितामा ३० टिमको सहभागिता थियो ।
खुल्ला घोडा दौडतर्फ नाँगीका बलबहादुर खड्का क्षत्री प्रथम च्याम्पियन बने । खोरामुखस्थित ईदीखोलादेखी घलेल खेल मैदान सम्मको निर्धारित ७.५ किलोमिट ३३ मिनेट ३० सेकेण्डमा पार गरी च्याम्पियन बनेका बलबहादुरले १५ हजार नगद हात पारे ।
सिँधिङ घिप्लीका दुर्गा भण्डारी द्वितिय बने । दुर्गाले ३३ मिनेट ३३ सेकेण्डमा पार गरी दोस्रो स्थान हाँसिल गरेका हुन् । भण्डारीले १० हजार नगद हात पारे । सोही स्थानकै गोबिन्द गौतम तृतीय बने । गोविन्दले ३४ मिनेट १२ सेकेण्डमा निर्धारित दुरी पार गर्दै ५ हजार पुरस्कार पाए ।
महिला मेच घुमाईतर्फ सर्मिला गुरुङ प्रथम, सिमा गुरुङ द्वितिय बन्दै आकर्षक पुरस्कार प्राप्त गरे । घैंटो फुटाउने खेलतर्फ गोबिन्द गौतम बिजयी बने । त्यसैगरी, सटफुट छेलोतर्फ अर्जुन क्षत्री प्रथम र शुशिल क्षत्री दोस्रो बन्दै आकर्षक पुरस्कार प्राप्त गरे ।
उत्वसमा सञ्चालित विभिन्न प्रतियोगिताको बिजेता तथा उपबिजेता टिमका खेलाडीहरुलाई गण्डकी प्रदेशसभा सदस्य रामजी बराल (जीवन), माछापुच्छ्र«े गाउँपालिका ९ का अध्यक्ष दुर्गाबहादुर क्षत्री, वडा नं ८ का अध्यक्ष कृष्ण दवाडी, क्लबको अक्ष्यक्ष राम गुरुङ, धर्मगुरु कर्मा गुरुङ (लामा) टोलविकास संस्थाका संयोजक लगायतले पुरस्कार वितरण गरे ।
विविध खेलकुदको फाइनल सकिएसँगै कास्कीको माछापुच्छ्रे« गाउँपालिका ८÷९ घलेलमा आयोजित ‘२१ औं ल्होछार घलेल उत्सव २०७६’ सम्पन्न भएको छ ।
घलेल टोलविकास संस्थाको आयोजना र बौद्ध सृजना युवा क्लबको सह–आयोजनामा ‘आत्मा साक्षी राखी, मन, वचन र कर्मले सेवा गरौं’ भन्ने नारा सहित गत १५ गतेदेखि संचालनमा रहेको उत्सव आइतबार सम्पन्न भएको हो ।
सो अवसरमा बोल्दै प्रमुख अतिथि समेत रहेको बरालले उनले बिजेता र उपबिजेता टिमलाई बधाई ज्ञापन गरे । उनले घलेल आफैमा रमणीय पर्यटकिय गाउँ रहेको बताउँदै सो उत्सवले पर्यटन प्रबद्र्धनमा थप सघाउने धारणा राखे ।
बरालले भने, ‘यस क्षेत्रमा रहेको ऐतिहासिक सम्पदाहरुलाई उजागर गर्न स्थानीय तवरबाट पहल भएको छ । नेपालको हितमा वनको नीति बनेको छैन । नेपाल भ्रमण वर्षमा २० लाख पर्यटक भित्राउने सरकारको लक्ष्यलाई ल्वाङ तथा घलेलको होमस्टेले सघाउ पु¥याउन सक्छ । यसका लागि व्यवस्थापकीय पक्षमा ध्यान दिनुहोला ।’
उनले यस क्षेत्रको पर्यटकीय गतिविधि बिस्तार गर्नका लागि राजनैतिक संस्थाहरु समेत एकीकृत भएर लाग्नुपर्नेमा जोड दिए । यसका लागि गण्डकी प्रदेश सभा र आफ्नो सदैव सहयोग गर्न तैयार रहेको उनको भनाई थियो ।
‘रामजीले गाउँको व्यथा र कथा बुझेको छ भनेर मलाई जिताउनु भएको स्मरण छ,’ उनले भने, ‘म सदैब तपाईहरुकै साथमा छु । गाउँ विकास तथा पर्यटन प्रवद्र्धनमा आफ्नो ठाउँबाट सहयोग र पहल गर्न प्रतिबद्ध छु ।’
उत्सव अवधिभर स्थानीय कलाकारहरुद्वारा साँस्कृतिक नृत्य तथा राष्ट्रिय लोकदोहोरी कलाकार गगन गुरुङ, निकिता गुरुङ लगायतको बेजोड प्रस्तुति रहेको थियो । उत्सव संयोजक आईबहादुर गुरुङको सभापतित्वमा सम्पन्न समापन कार्यक्रमको संचालन दिपकराज ढुङ्गानाले गरेका थिए ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१