नेकपा कास्की अध्यक्ष कृष्ण थापाले देशभर नै नेकपाले भव्य नतिजा विजय हासिल गर्ने भन्दै कास्की २ मा नेकपालाई हराउन नसक्ने दाबी गरेका छन्।
पोखरा १७ दोबिल्लामा सोमबार आयोजित चुनावी सभामा बोल्दै उनले भने, ‘आफ्ना क्षेत्रका जनताको विश्वास गुमाएर पराजित भएका व्यक्तिहरु कास्कीमा आएर नेकपा विरुद्ध बोलेको सुनेको छु। नैतिकता भन्ने चीज पनि हुन्छ नि। ’ तीनै तहका सरकारको काम, जनताको अपेक्षा सम्बोधन र नेता, कार्यकर्ताको लगनशिलताले कास्की २ मा नेकपाको विजय प्राविधिक रुपमा घोषणा गर्नमात्र निर्वाचन पर्खिनुपरेको बताए।
नेकपा कास्की २ उम्मेदवार विद्या भट्टराई अधिकारीले स्थानीय सरकार, प्रदेश र संघसँग समन्वय गरी जनताका सपना पूरा गर्ने प्रतिवद्धता गरिन्। पोखरा १७ को दोबिल्ला, लामतारा, समृद्धिटोल, महतगौडा, रातोपैह्रा, घारीपाटन लगायतका क्षेत्रमा घरदैलो गरी उनले रवीन्द्रले आरम्भ गरी पूरा हुन बाँकी कामको नेतृत्व आफूलाई दिन निर्वाचित गराउन आग्रह गरिन्।
नेकपा पोखरा १७ अध्यक्ष सुवास ढुंगानाले वडाको ८० प्रतिशत मत नेकपालाई आउने दाबी गरे।
निर्वाचन परिचालन कमिटी पोखरा १७ का संयोजकसमेत रहेका ढुंगानाले मंगलबार पनि पोखरा १९ का विरौटा, छोरेपाटन लगायतका क्षेत्रमा उम्मेदवारसहितको घरदैलो हुने जानकारी दिए।
उता, कृष्ति नाच्नेचौरमा सोमबारै भविष्य निर्माण बुथको कार्यालय उद्घाटन गरिएको छ।
कार्यक्रममा नेकपा पोखरा महानगर अध्यक्ष दीपक पौडेलले महानगरका ११ वटै वडामा नेकपालाई अघिल्लो निर्वाचनभन्दा बढी मत प्राप्त हुने दाबी गरे। सभामा प्रचारप्रसार कमिटी सहसंयोजक झपट रानाभाट र श्रीराम सुवेदीले पनि बोलेका थिए।
यसैगरी, निर्वाचन लक्षित गरी नेकपाले पोखराका विभिन्न ११ वटै वडामा घरदैलो गरिरहेको छ।
पोखरा ११ मा भएको घरदैलोमा कमिटी सदस्य चूडामणि जंगली, जिल्ला कमिटी सदस्य रुद्र विश्वकर्मा, पार्टी वडा कमिटी अध्यक्ष हर्कमान विश्वकर्मा, सचिव नारायणप्रसाद आचार्य लगायतले मतदातासमक्ष पार्टीको चुनावी प्रतिवद्धतासहित मत मागेका छन्। यस्तै सो वडामा बुध संयोजकहरुलाई प्रशिक्षणसमेत दिइएको छ।
नेकपा प्रदेश कमिटी सदस्य मीना गुरुङ र प्रदेश कमिटी सदस्य गंगा पोखरेलले युवालाई प्रशिक्षण दिएका हुन्।
Related News
सम्बन्धित समाचार
पोखरा ६ मा साबुन बनाउने तालिम
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
एनटिभिएको शुभकामना आदानप्रदान
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१