प्रमुख संरक्षक केसी सम्मानित

आदर्श समाज सम्वाददाता
असाेज १५, २०७६
sewa bachat_Fotor

सामुदायिक महिला विकास समिति, पोखरा १६, घाटीपाटनले संस्थाका प्रमुख संरक्षक दुर्गा केसी थापालाई सम्मान गरेको छ।

प्रमुख अतिथि गण्डकी प्रदेश भौतिक पूर्वाधार विकास मन्त्री रामशरण बस्नेतले केसीलाई सोमबार प्रमाणपत्र प्रदान गरी सम्मान गरेका हुन्।

सामाजिक अभियन्ता केसीले संस्थालाई अक्षयकोष स्थापनार्थ ५० हजार ५ सय ५५ रुपैयाँ प्रदान गरेकी थिइन्।

त्यस अवसरमा मन्त्री बस्नेतले घाटीपाटनमा बाटोको नालाको समस्या छिट्टै हटाइने आश्वासन दिए।

कार्यक्रममा प्रदेश सांसद पुष्पा केसी भण्डारी, जिल्ला न्यायाधीश सूर्यबहादुर थापा, वडा १६ र १७ का वडाध्यक्षद्वय जीवन आचार्य र शोभामोहन पौडेल, जिल्ला समन्वय समिति सदस्य गोमा गौतम, प्रमुख संरक्षक दुर्गा केसीले शुभकामना मन्तव्य राखेका थिए। कार्यक्रम शुरुवातमा संस्थापक सल्लाहकार मोहनबहादुर थापाले संस्थाको गतिविधिबारे प्रकाश पारेका थिए।

संस्था अध्यक्ष मञ्जु थापाको अध्यक्षतामा भएको सो कार्यक्रममा उपाध्यक्ष मनु थापाले स्वगत र सचिव देवी कार्कीले सञ्चालन गरेकी थिइन्।

Related News

सम्बन्धित समाचार

    hero news full width

    Gandaki University

    sanil ads

    wordlink ads