पत्रकार हमालको रिहाई गर्दै सर्वोच्चमा रिट

Avatar आदर्श समाज सम्वाददाता
भाद्र ८, २०७६

पोखरा, ८ भदौ । पोखराबाट पक्राउ परेका पत्रकार ओम हमालको रिहाईको माग गर्दै सर्वोच्च अदालतमा रिट परेको छ । नेपाल पत्रकार महासंघका केन्द्रीय सदस्य जन्मदेव जैसीले बन्दी प्रत्यक्षीकरणमा रिट दायर गरेका हुन् ।

जिल्ला अदालत कास्कीलाई विपक्षी बनाएर उनले रिट हालेका हुन् । हमाल रिपोर्टिङको क्रममा खुदीमा विप्लव समूह स्याङजाका सेक्रेटरी कृष्ण वाग्ले (रुपेश) लाई भेटेका थिए । सोही समयमा हमाल र रुपेश पक्राउ परेका थिए ।

‘पेशागत कामका शिलशिलामा गएको बेला पक्राउ गरिएको छ । अन्तरवार्ताका लागि रेकर्ड गर्दागर्दै समातेर बेपत्ता पारिएको छ । पक्राउ पुर्जी नदिईकन पक्राउ गर्न मिल्दैन,’ जैसीले भने, ‘झुटा मुद्दामा फसाएर गैरकानुनी गिरफ्तार गरिएको हो । ससम्मान रिहाईको माग छ ।’जैसीलाई रिट दायर गर्न नेपाल पत्रकार महासंघले नै जिम्मेवारी दिएको थियो । सोही जिम्मेवारी अनुसार रिट दर्ता गराएको जैसीले सुनाए ।

पक्राउ परेकै दिन हमाललाई अदालतबाट म्याद थप गरी अनुसन्धान गरिरहेको छ । हमालको पक्राउप्रति नेपाल पत्रकार महासंघ सहित विभिन्न संघ संगठनहरुले विरोध जनाउँदै तत्काल रिहाईको माग सहित दवाव दिईरहेका छन् । हमाल जनसंचार डटकमका सम्पादक हुन् । हमालले आँफु रिपोर्टिङमा रहेकै बेला प्रहरीले पक्राउ गरेको बताएका छन् ।

तपाइको विचार व्यक्त गर्नुहोस्

हाम्रो सुझाव

सहायक वन अधिकृत सहित २ जना अख्तियारको नियन्त्रणमा

व्यवसायमा नयाँ प्रविधि आवश्यक

एड्स रोग नियन्त्रण संघको साधारण सभा

सञ्चय कोषको ५८ औं वार्षिकोत्सव

पर्यटन प्रवद्र्धन अभियान २०१९ संचालन हुने

प्रमुख समाचार

विधिको शासन नचल्दा राष्ट्र नै समाप्त हुन्छ- प्रदेश प्रमुख

थप प्रमुख समाचार