भड्किलो तीज रहित वडा बनाइने

Avatar आदर्श समाज सम्वाददाता
श्रावण २७, २०७६

पोखरा,२७ साउन । पोखरा महानगर पालिका–२६ ले भड्किलो तीज रहित वडा बनाइने भएको छ । वडाका ३५ आमा समूह र महिला संजालले वडालाई भड्किलो तीज रहित बनाउने अभियान चलाएका हुन् ।

वडा नं २६ का अध्यक्ष नारायण बरालले भने–“हामीले तीज मनाउने हो तर तारे होटल र पार्टी प्यालेस संस्कारलाई बिकृती तर्फ लैजाने गरी तीजको दरका नाममा हुने कृयाकलापलाई पूर्ण रुपमा वन्देज गर्न आव्हान गरेका हौं ।” वडा महिला संजाल, आमा समूहको सामुहिक प्रयासबाट यो काम सफल भएको उनले बताए ।

अभियान स्वरुप ५ सय भन्दा बढी महिलाहरु सडकमा निस्केर सामुहिक प्रतिवद्धता समेत जनाएका थिए । महिला संजालकी अध्यक्ष मुरली थापाका अनुसार हामीले तीजका नाममा धेरै नै बिकृती भित्र्याएका छौं त्यसो नगरौ भनेर यो अभियान चलाएका हौं । उनले भनिन् ।

“म पनि तीज मनाउँछु तर तीज कहाँ र कसरी मनाउने हो भन्ने बारेमा हामीलाई थाहा हुनु पर्छ ।” तीज भनेको ऋण खोजेरै भएपनि होटलमै मनाउने परिपाठी वन्द गरौ भन्ने नै हो उनले भनिन् ।

वडाध्यक्ष बरालले दशै तिहार लगाएतका अन्य चार्डहरुलाई पनि हाम्रो सस्कार अनुसार नै मनाउन पनि सवै सँग आग्रह गरे ।आफ्नो वडामा हुने कुनै पनि विवाह तथा उत्सव पनि भड्किलो तरिकाले मनाउने प्रचलनलाई हटाउने गरी सामुहिक छलफल भईरहेको उनले जानकारी दिए ।

तपाइको विचार व्यक्त गर्नुहोस्

हाम्रो सुझाव

व्यावसायिक महिला क्लबको शिविर

घरेडी घोथाने १२ भाई चेलीवेटी कोष स्थापना

रुपा गाउँपालिमा लैगिंक हिंसा सम्बन्धी अन्तरक्रिया

प्रमुख समाचार

पिँढी पाठशालाबाट पठनपाठन थालिएको पोखरा शिक्षाको केन्द्र