पोखरामा प्रादेशिक संग्रहालय

आदर्श समाज सम्वाददाता
श्रावण २४, २०७६
musium_Fotor

पोखरा नयाँबजारस्थित क्षेत्रीय संग्रहालयलाई थप सुविधासहित नयाँ संरचनामा बदलिएको छ।

२०४१ सालमै सर्वसाधारणको लागि खुला गरिएको यो संग्रहालय अहिले प्रदेश सरकारले ऐतिहासिक अध्ययनस्थल रुपमा विकास गर्न लागेको हो। सरकारले यसका लागि केही ग्यालरीहरु पनि थपेको छ।

संग्रहालयमा गण्डकी प्रदेशमा बसोबास गर्ने विभिन्न जातजातिका दैनिक जीवनशैली, भेषभूषा, गरगहना, बाजागाजा, कृषि औजार, देवीदेवताका मूर्ति तथा संस्कृतिसम्बन्धी विभिन्न सामग्री राखिएका छन्। पछिल्लो समय बदलिँदो जीवनशैली र फेरिएको प्रवृत्तिमा प्राचीन महत्व खासै छैन।

त्यस्तै हिमाली जिल्ला मुस्ताङमा उत्खनन्बाट प्राप्त पुरातात्विक सामग्री पनि यस संग्रहालयमा प्रदर्शनीका लागि राखिएको छ।

पुरातत्व विभागद्वारा निर्मित प्रदर्शनी कक्षमा तमु समुदाय अर्थात् गुरुङको तीन पुरोहित क्रमशः पच्यू, कलेप्री र वोन्पोलामका मूर्ति पनि राखिएको छ।

त्यस्तै पर्यटकहरूलाई नेपालको संस्कृतिलगायतका विषयमा जानकारी गराउनका लागि दमाहाजस्तै सानो आकारको एकनाले बाजा ट्र्याम्पो, गन्धर्व जातिको लोकबाजा, ढ्याङ्ग्रोलाई गजाको सहायताले बजाउने बाजा, ढोलक, डम्फू र मादललगायतका पुरातात्विक वस्तुहरूसमेत प्रदर्शनी कक्षमा राखिएको गण्डकी प्रदेश सङ्ग्रहालयको कार्यालयले जनाएको छ। संग्रहालयमा हिमाल र पहाडको सभ्यताको विकासक्रमको अध्ययन गर्न सकिन्छ।

संघ सरकारको संस्कृति, पर्यटन तथा नागरिक उड्ययन मन्त्रालयको ११ लाख रुपैयाँको आर्थिक सहयोगमा नयाँ ग्यालरी थपिएको छ।

सो ग्यालरी विहीवार गण्डकी प्रदेशकी सामाजिक विकास मन्त्री नरदेवी पुनले उद्घाटन गरिन्। ‘अझै धेरै वस्तुहरू राख्नुपर्छ। यहाँ छिरेपछि गण्डकी प्रदेशको सबै चित्रण देख्न पाउने गरी व्यवस्थित गरिनेछ, ’ मन्त्री पुनले भनिन्, ‘त्यसको लागि प्रदेश सरकारले १ करोड रुपैयाँ छुट्याएको छ। यसले थप वस्तु किनेर संग्रहालयमा राख्ने हो। ’

संग्रहालय भेटघाट थलोमात्र नभई अध्ययन अवलोकन र आयआर्जनसँग पनि जोड्नुपर्ने उनको भनाइ छ। संग्रहालय प्रमुख करुणा राईले प्रचारप्रसार अभावले संग्रहालय महत्वपूर्ण भए पनि प्रवद्र्धन हुन नसकेको बताइन्।

सो अवसरमा तमु पेलु संघ अध्यक्ष ओमबहादुर गुरुङ, अन्तराष्ट्रिय पर्वतीय सङ्ग्रहालयका प्रबन्ध निर्देशक शंकरबहादुर गौतम, पोखरा वडा ९ का अध्यक्ष रामराज लामिछानेले सङग्रहालयको संरक्षण तथा सरसफाइमा जोड दिनुपर्ने बताउँदै यसको विकास तथा विस्तारका लागि प्रचारप्रसारको खाँचो देखिएको धारणा व्यक्त गरे।

कुल १० दरबन्दी रहेको संग्रहालयमा अहिले मात्र ४ जना कर्मचारी छन्। अघिल्लो वर्ष यो संग्रहालय प्रदेश सरकार मातहतमा आएको हो।

Related News

सम्बन्धित समाचार

    • व्यवसायी राजनीतिमा आउनुपर्छ : मन्त्री थापा

      आदर्श समाज सम्वाददाता श्रावण १५, २०७८
      पोखरा  । गण्डकी प्रदेशका कानुन, सञ्चार तथा प्रदेशसभा मामिलामन्त्री विन्दुकुमार थापाले राजनीतिमा २ थरिका मान्छे हुने बताउँदै व्यवसायीहरू पनि क्रमश राजनीतिमा…
    • पोखरामा मनाङ मर्स्याङ्दीको होम ग्राउन्ड र एकेडेमी

      धनबहादुर गुरुङ श्रावण १४, २०७८
      पोखरा । ‘ए’ डिभिजन क्लब मनाङ मस्र्याङ्दी (एमएमसी) लाई पोखरा रंगशाला घरेलु मैदानको रुपमा प्रयोग गर्न दिने गरी राष्ट्रिय खेलकुद परिषद्…
    • महानगरका सरसफाइकर्मीलाई स्वास्थ्य सामग्री

      आदर्श समाज सम्वाददाता श्रावण १३, २०७८
      पोखरा । नेपाल विकास समाजले पोखराका सरसफाइकर्मीलाई स्वास्थ्य सामग्रीसहित खाद्यान्न सहयोग गरेको छ । पोखराको दमकल कार्यालयमा कार्यक्रम गरी ६५…
    • प्रेस संयोजक कोइरालालाई बधाई

      आदर्श समाज सम्वाददाता श्रावण १३, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलका प्रेस संयोजक भरत कोइरालालाई प्रेस युनियन कास्कीले बधाई तथा शुभकामना दिएको छ ।…
    • ट्राफिक कार्यालयको सूचना सम्प्रेषण अभियान

      आदर्श समाज सम्वाददाता श्रावण १३, २०७८
      पोखरा । जिल्ला ट्राफिक कार्यालय, कास्कीले सूचना सम्प्रेषण अभियान सुरुआत गरेको छ । कोरोना नियन्त्रण र सवारी दुर्घटना कम गर्न…

    hero news full width

    Gandaki University

    sanil ads

    wordlink ads