बगैचाटोल विकासद्वारा सरसफाई

Avatar आदर्श समाज सम्वाददाता
श्रावण ४, २०७६

पोखरा, ४ साउन । संसारकै पर्यटक आउने गर्छन पोखराको लेकसाइडमा । तर सुन्दा पनि अचम्मै लाग्छ, प्रशासनिक कार्यालय पोखरा वडा नं ६ को कार्यालय परिष्रमा शनिवार एक ट्रक फोहोर संकलन भएको छ ।

बगैचा टोलविकास संस्थाले पोखरा महानगरपालिका वडा न ६को वडा कार्यालय परिष्रमा सरसफाई गर्ने क्रममा उक्त फोहोर संकलन भएको हो । वडा कार्यलयमा यत्रतत्र छरिएर रहेका रुखका हागाहरुलाई काँटछाँट गरी बर्षौसम्म सफा नगरिएको फोहोर लाई सफाइ गरिएको हो ।

संस्थाका सदस्यले सफाई सामाग्री कुटो, कोदालो र सावेल जस्ता औजारले सफाई गरिएको संस्थाका अध्यक्ष मिना ढकालले बताएकी छन । बैदाम सरसफाई अभियान थालेको वडा कार्यालय बैदामले आफ्नै कार्यालय भित्रको फोहोर मैला नदेख्नु दुःखको कुरा हो, ढकालले भनिन् ।

वडा कार्यालय ६ बैदामको आयोजनामा वडा सदस्य कै संयोजकत्वमा “हाम्रो सफा बैदाम अभियान” को थालनी गरेको वडाले आफ्नै आगनको फोहोर नदेख्नुलाई बत्तीमुनिको अध्यारो भनि सरसफाई कार्यक्रमका उपस्थित मानुभावहरुले टिप्पणी गरेका थिए ।

पोखरा महानगर पालिका वडा ६का अध्यक्ष जगतबहादुर पहारीले वडा कार्यालय “अगाडि त सफा नै छ, कार्यालयको पछाडि भागमा भने केही फोहोर रहेको र रुख विरुवाका पातपतिङ्गरले फोहोर गर्ने गरेको” उनले बताए ।

संस्थाका अध्यक्ष मिना ढकालको सभा अध्यक्षतामा भएको कार्यक्रममा संस्थाले राम्रो कामको शुरुवात गरेको भन्दै सदस्य साबि क्षेत्रीले नगद ५ हजार आर्थिक सहयोग गरेकी छन् । सफाई कार्यक्रममा ४० जनाले सहभागिता जनाएका थिए ।

तपाइको विचार व्यक्त गर्नुहोस्

हाम्रो सुझाव

सांसदलाई संसदीय निगरानी कार्यशाला

गोगनमा खानेपानी ट्यांकी शिलान्यास

किसानलाई उत्प्रेरित गर्दै सहकारी

बाग्लुङ महोत्सव पुस ११ देखि

प्रमुख समाचार

फुटवलमा नेपाललाई स्वर्ण

थप प्रमुख समाचार

फुटवलमा नेपालकाे अग्रता

कुटपीटको विरोधमा पत्रकारको धर्ना

नवलपुरका विद्यार्थीलाई १२ करोडको खाजा