पोखरा । एसीसी यू–१९ इस्टर्न रिजन क्रिकेटको उपाधि नेपालले जितेको छ ।
मलेसियाको किनरारा ओभल मैदानमा हङकङलाई ६ विकेटले पराजित गर्दै नेपालले लगातार दोस्रो पटक उपाधि जितेको हो । उपाधि जितेसँगै नेपाल श्रीलंकामा आयोजना हुने एसिया कप यू–१९ क्रिकेटका लागि छनोट भएको छ ।
हङकङले दिएको ९६ रनको लक्ष्य नेपालले १६ दशमलव १ ओभरमा ४ विकेट गुमाएर पूरा गरेको थियो । नेपालको जितमा ओपनर ब्याट्सम्यान पवन शर्राफ र रित गौतमले ३९ बलमा ५२ रनको साझेदारी गरे । रितले १३ रन बनाएर आउट भए । उनले २ चौका प्रहार गरे । त्यसपछि क्रिजमा आएका खडकबहादुर बोहरा र पवनले २३ रनको साझोदारी गर्दै टिमलाई जितको नजिक पु¥याए । पवनले ३९ रन बनाएर आउट भए ।
पवनले ३६ बलको फेस गर्दै ५ चौका र १ छक्का प्रहार गरे । खड्कले ८ रन बनाएर आउट भए । उनले २२ बलको फेस गर्दै १ चौका प्रहार गरे । रोहित क्रिजमा आएपछि ४ रनको साझेदारी गर्दै खडक आउट भएका थिए । त्यसपछि भीम सार्की र रोहितले टिमको स्कोर ९३ रन पु¥याएपछि रोहित क्याच आउट भए । रोहितले १२ रनमा पेभेलियन फर्किएका हुन् ।
क्रिजमा भीम र हरिबहादुर चौहानले २ रन लिए र नेपाललाई च्याम्पिएन बनाए । भीम ८ रनमा नट आउट रहँदा खाता नै नखोली हरिले साथ दिएका थिए । हङकङका मोहम्मद हसन खान, मोहम्मद हसन र रौनक कपुरले समान १ विकेट लिए ।
दुई पटक भएको टस हारेर पहिला ब्याटिङ गरको हङकङले ४३ दशमलव १ ओभरमा ९५ रन बनाउँदा सबै विकेट गुमाएको थियो । पहिलो पटक टस गर्दा क्वाइन भुइँमा सिधै गाडिएपछि दोस्रो पटक टस गर्नुपरेको थियो ।
नेपाली युवा लेगस्पिनर सागर ढकालले हङकङको ब्याटिङ लाइन अपलाई ध्वस्त बनाउन सफल भएका थिए । पहिलो ओभरमै मेडन विकेट लिएका सागरले ५ विकेट लिए । पहिलो र दोस्रो विकेटको साझेदारी सागरले शून्य रनमै तोडेका थिए ।
तेस्रो विकेटका लागि भने हङकङले भने २९ रनको साझेदारी गरेको थियो । अदित गोररा र कालन मार्कले यो साझेदारी गरेका थिए । तर मार्कलाई हङकङको स्कोर २९ रन हुँदा सागरले नै व्यक्तिगत तेस्रो शिकार गरे ।
मार्क जम्मा १९ रन बनाएर आउट भए । उनले २ चौका र १ छक्का प्रहार गर्दै नेपाली फिल्डरमाथि दवाब बनाउने प्रयास गरेका थिए । त्यसपछि चौथो विकेटको साझेदारी पनि शून्यमा नै तोडियो । चौथो विकेटको रुपमा सागरले आरुस भागवतलाई खाता खोल्न नदिई पेभेलियनको बाटो देखाए ।
पाचौँ विकेटको रुपमा अदित गरोरा र मेहरनकाबीचमा १८ रनको साझेदारी भयो । उक्त साझेदारीलाई पनि सागरले नै तोडिदिए । उनले मेहरनलाई आउट गरेका हुन् । सुरुका पाँचै विकेट सागरको नाममा रह्यो । छैटौं विकेट भने तिलकराज भण्डारीले लिएका थिए । भण्डारीको व्यक्तिगत पहिलो सफलता भएपनि टिमका लागि भने छैटौं सफलता थियो ।
अरोरा हङकङबाट सर्वाधिक २४ रन बनाउने खेलाडी बने । उनी भण्डारीको बलमा कप्तान रोहितको हातबाट क्याच आउट भए । टिमका लागि सातौं सफलता कमलसिंह ऐरीले दिलाए । उनले मोहम्मद हसन खानलाई आउट गरे । आठौं सफलता पनि ऐरीकै नाममा रह्यो । हङकङको स्कोर ७० रन हुँदा रौनक कपुरलाई ऐरीले आउट गरे ।
३६ ओभर सकिँदा हङकङले ७० रन बनाउँदै ८ विकेट खर्चिएको थियो । अन्तिममा मोहम्मद हसन र अब्बदुर उर्सलने २५ रनको साझेदारी गरेपछि हङकङको टिम ९५ रनमा पुगेको थियो । नेपालका सागर ढकालले ५ विकेट लिँदा कमलसिंह ऐरीले ३ तथा कुशल मल्ल र तिलकराज भण्डारीले समान १ विकेट लिए ।
श्रीलंकामा यू–१९ एसिया कप अगस्ट र सेप्टेम्बरमा आयोजना हुँदैछ । जसमा घरेलु टोली श्रीलंका, अफगानिस्तान, बंगलादेश, पाकिस्तान, भारत, यूएई, कुवेत र नेपालले प्रतिस्पर्धा गर्नेछन् ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१